وسى جىلدىڭ ءبىرىنشى توقسانىنىڭ وزىندە --پروكۋراتۋرا ورگاندارىنا جەكە جانە زاڭدى تۇلعالاردان-- 90 مىڭنان استام ارىز تۇسكەن. وسىعان وراي، رەسپۋبليكا باس پروكۋرورىنىڭ ورىنباسارى اندرەي كراۆچەنكو جەر - جەردە قوعامدىق قابىلداۋ وتكىزۋدى باستادى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.
الماتى وبلىسىنا كەلگەن ءىس ساپارىندا 50 گە جۋىق ادامدى قابىلدادى. ولاردىڭ دەنى - سوتتىڭ شەشىمىمەن كەلىسپەيتىندەر. ونى قايتا قاراۋدى سۇرايدى. كوبى جەر قاتىناستارىنا، جەكەنىڭ مۇلكىن يەمدەنۋگە قاتىستى ىستەر. ىشكى ىستەر ورگاندارىنىڭ، دەنساۋلىق ساقتاۋ مەكەمەلەرىنىڭ جانە تۇرعىن ءۇي، كوممۋنالدىق شارۋاشىلىعىنىڭ قىزمەتىنە كوڭىلدەرى تولمايتىندىعىن ايتىپ، شاعىم بىلدىرگەن تۇرعىندار دا بار. اندرەي كراۆچەنكو وزىنە كەلىپ تۇسكەن بارلىق وتىنىشتەر --قاراۋسىز قالمايتىندىعىن جەتكىزدى. بۇل جۇمىس بويىنشا، جەرگىلىكتى وبلىس پروكۋرورلارىنا ناقتى تاپسىرمالار بەرىلدى. بۇدان بىلاي دا مۇنداي قوعامدىق قابىلداۋلار ءجيى وتكىزىلىپ تۇرماق. ماقسات - مەملەكەتتىك قۇرىلىمداردىڭ حالىققا قىزمەت كورسەتۋ ساپاسىن ارتتىرا ءتۇسۋ.
