ەكسپو-2017 ءبىز ءۇشىن جاڭالىق پا؟!
ۇلى جىبەك جولىنىڭ بويىندا تۇرىپ، كۇللى تۇركى الەمىنىڭ كىندىگى بولعان ءبىزدىڭ توپىراقتا قوياندى جارمەڭكەسى بولىپ ەدى! ناعىز ەكسپو سول ەمەس پە ەدى؟! الاشتىڭ كىل قايماعىنىڭ باسى قوسىلىپ ۇلان اسىر دۋمانعا ۇلاساتىن تاريحىمىزدى ۇمىتىپ، باتىستىڭ تاڭسىعىنا قول سوزامىز. سونى وتكىزۋدى جەڭىپ الدىق دەپ ماقتانامىز. جارايدى، جەڭىپ الدىق دەلىك. تىڭنان تۇرەن سالعىش ەل بولساق وندا نەگە سول ەكسپونى قوياندى اۋىلىندا وتكىزبەسكە؟! ايتەۋىر قىرۋار اقشا كەتىپ جاتىر، ءبىزدىڭ حالىقتان، ءھام سالىقتان. قيت ەتكەن نارسەنىڭ ءبارىن استاناعا تىقپالايمىز. "ءۇيى قيسىق بولسا دا، استانامىز سويلەسىن" - الەمدىك قوناقتار الدىندا! مىنە بۇگىنگى قازاقتىڭ ۇرانى وسى... شىركىن-اي، جولاي كوكپەكتىگە اسپالى كوپىر سالىپ، قارقارالىنىڭ شايتانكولىنە اققۋ ۇشىرىپ، قاز قوندىرىپ، بالقانتاۋدىڭ باۋرايىندا ۇلان-اسىر ەكسپو نەمەسە ەكستوي وتكىزەر كۇن كەلەر مە ەكەن؟!