مەملەكەت باسشىسى نۇرسۇلتان نازاربايەۆ وتكەن اپتادا قىرعىز رەسپۋبليكاسىنا جۇمىس ساپارىمەن بارىپ، بiشكەكتە وتكەن تاۋەلسiز مەملەكەتتەر دوستاستىعى ەلدەرi باسشىلارى كەڭەسiنiڭ وتىرىسىنا قاتىستى.

بۇل iس-شاراعا سونداي-اق، ءازiربايجان رەسپۋبليكاسىنىڭ پرەزيدەنتi ي.الييەۆ، ارمەنيا رەسپۋبليكاسىنىڭ پرەزيدەنتi س.سارگسيان، بەلارۋس رەسپۋبليكاسىنىڭ پرەزيدەنتi ا.لۋكاشەنكو، قىرعىز رەسپۋبليكاسىنىڭ پرەزيدەنتi ا.اتامبايەۆ، رەسەي فەدەراسياسىنىڭ پرەزيدەنتi ۆ.پۋتين، ءتاجiكستان رەسپۋبليكاسىنىڭ پرەزيدەنتi ە.راحمون قاتىستى.

قازاقستان پرەزيدەنتi وتىرىس دوستاستىقتىڭ قۇرىلۋىنىڭ مەرەيتويى جىلىندا ءوتiپ وتىرعانىن ايتتى.

– 1991 جىلى قول قويىلعان الماتى دەكلاراسياسى ارقىلى نەگiزi قالانعان تاۋەلسiز مەملەكەتتەر دوستاستىعى بۇگiندە ەلدەرiمiزدi جاقىنداستىرا تۇسەتiن بiرەگەي الاڭ بولىپ قالا بەرەدi. بiزدiڭ دوستاستىق جۇمىسىن جالعاستىرىپ جانە بولاشاققا دەگەن جوسپارلاردى iسكە اسىرا وتىرىپ، ءوزiنiڭ ءومiرشەڭدiگiن، تيiمدiلiگiن جانە پەرسپەكتيۆالىلىعىن دالەلدەدi. سونداي-اق، دوستاستىقتىڭ ءتاجiريبەسi ەاەو جانە شىۇ ءتارiزدi ينتەگراسيالىق ۇيىمدارعا دا سەپتiگiن تيگiزدi. وسىلايشا، الماتىدا 1991 جىلى 21 جەلتوقساندا تمد-نىڭ قۇرىلۋى زور تاريحي مانگە يە بولدى. مەنiڭ باستامام بويىنشا بۇگiن بiز تمد-نىڭ 25 جىلدىعى ءجونiندە ءمالiمدەمە قابىلداپ وتىرمىز. ول باعداردى ايقىنداپ، الدىمىزعا جاڭا مiندەتتەر قويادى، – دەدi نۇرسۇلتان نازاربايەۆ.

سونىمەن بiرگە مەملەكەت باسشىسى جاقىندا وتكەن G-20 سامميتiندە الەمدiك ەكونوميكانىڭ ورنىقتى دامۋىن قامتاماسىز ەتۋ ءۇشiن ەكونوميكالىق ساياساتتى ۇيلەستiرۋ تۋرالى ۋاعدالاستىققا قول جەتكiزiلگەنiن اتاپ ءوتتi.

– سامميتتە دامۋدىڭ ەسكiرگەن مودەلiن الماستىرۋ جانە جاھاندىق يندۋستريالىق ريەۆوليۋسيادان سوڭ كەلگەن جاڭا ساندىق ەكونوميكاعا كوشۋ ماسەلەلەرi تالقىلاندى. بۇل – ەنەرگيانىڭ جاڭا ءتۇرiنە، ۆاليۋتانىڭ جاڭا ساناتىنا جانە قوعامدىق قارىم-قاتىناستىڭ جاڭا فورمالارىنا نەگiزدەلگەن قوعامدىق ءوندiرiستiڭ جاڭا ءتاسiلiن تابۋ مەن يگەرە باستاۋدىڭ نىشانى. جاڭا پروبلەمالار الدىندا تمد اياسىندا بiزگە دە تىعىز ءوزارا iس-قيمىل جاساپ، بiرلەسكەن جوبالاردى جانداندىرۋ قاجەت، – دەدi نۇرسۇلتان نازاربايەۆ.

قازاقستان پرەزيدەنتi دوستاستىقتىڭ قازiر 2008 جىلى قابىلدانعان ەكونوميكالىق دامۋ ستراتەگياسىن iسكە اسىرۋدىڭ ءۇشiنشi كەزەڭiنە كوشكەنiنە نازار اۋداردى.

– قازiرگi ۋاقىتتا الەمدiك ەكونوميكاداعى جاعداي ايتارلىقتاي وزگەردi. سوندىقتان قازاقستان دوستاستىق ەلدەرiنiڭ ەكونوميكالىق دامۋىنا سەرپiن بەرۋگە ارنالعان شارالار جيىنتىعىن جانداندىرا ءتۇسۋدi ۇسىندى، – دەدi مەملەكەت باسشىسى.

بۇدان بولەك، قازاقستان پرەزيدەنتi تمد ەلدەرiن دامىتۋداعى كولiك-ترانزيت الەۋەتiن تيiمدi پايدالانۋدىڭ ماڭىزدى ءرولiن اتاپ ءوتتi.

– كەي جاعدايدا اۋقىمدى كولiك-ترانزيتتiك جوبالاردى iسكە اسىرۋدا ەلدەر اراسىندا بiر-بiرiن قايتالاۋ كەزدەسiپ قالادى، ءوزارا كەلiسۋدiڭ جەتiسپەيتiندiگi بايقالادى. وسىعان بايلانىستى، بۇل سالاداعى ساياساتىمىزدى ۇيلەستiرۋ قاجەت. بۇل جوبالارىمىزدىڭ تيiمدiلiگiن ەداۋiر ارتتىرۋعا مۇمكiندiك بەرەدi، – دەدi نۇرسۇلتان نازاربايەۆ.

سونىمەن بiرگە، ەلباسى وتكەن جولعى كەزدەسۋدە تمد-نى زاماناۋي جاعدايعا بەيiمدەۋ قاجەتتiگi ءجونiندەگi ۋاعدالاستىققا قول جەتكiزiلگەنiن كەڭەسكە قاتىسۋشىلاردىڭ ەسiنە سالدى.

– تاراپتاردىڭ بەلسەندi ءوزارا iس-قيمىلى ارقاسىندا دوستاستىقتىڭ تيiمدiلiگiن ارتتىراتىن ناقتى شارالار ءازiرلەندi. تمد قىزمەتiن جەتiلدiرiپ، ونىڭ فۋنكسيونالدىق يكەمدiلiگiنە قول جەتكiزۋ ءۇشiن تۇراقتى تۇردە جۇمىس جۇرگiزiپ وتىرۋ قاجەت، – دەدi قازاقستان پرەزيدەنتi.

سوڭىندا مەملەكەت باسشىسى تمد-عا 2017 جىلى رەسەي فەدەراسياسىنىڭ ءتوراعالىق ەتۋi ءجونiندەگi شەشiمدi قازاقستاننىڭ قۇپتايتىنىن جەتكiزدi.