ەلباسى نۇرسۇلتان نازاربايەۆتىڭ ۇكiمەتتiڭ كەڭەيتiلگەن ءماجiلiسiندە جۇكتەگەن مiندەتتەرiن ساپالى ءارi مەرزiمiندە ورىنداۋدىڭ ماڭىزى زور. وبلىس اكiمدiگiنiڭ اپپاراتتىق ءماجiلiسiندە ءوڭiر باسشىسى بەيبiت اتامقۇلوۆ وسىلاي دەدi.

مەملەكەت باسشىسى ۇكiمەتتiڭ نەگiزگi جۇمىستارىنىڭ بiرi جاپپاي كاسiپكەرلiكتi ىنتالاندىرۋ جانە حالىقتى جۇمىسپەن قامتۋ بولۋى تيiس ەكەنiن اتاپ وتكەن-دi. بۇل باعىتتاعى جۇمىستى جانداندىرۋ ماقساتىندا «جۇمىسپەن قامتۋ – 2020 جول كارتاسى» باعدارلاماسىنىڭ اياسىندا 5 ءوڭiردە «اۋىل تۇرعىندارىن جۇمىسپەن قامتۋ» پيلوتتىق جوباسى iسكە قوسىلعان. وسى ورايدا ەلباسى ۇكiمەتكە اكiمدەرمەن بiرلەسiپ، اۋىلدىق جەرلەردە كووپەراسيالار ۇيىمداستىرۋ بويىنشا بارلىق شارالاردى قابىلداۋدى تاپسىرعانى بەلگiلi. سول سەبەپتi وبلىس اكiمi ب.اتامقۇلوۆ اۋىل شارۋاشىلىعى كووپەراسيالارىن قۇرۋ ماسەلەسiنە ەرەكشە توقتالدى. اۋىل شارۋاشىلىعى كووپەراسيالارى ءونiمدi وتكiزۋ جانە قايتا وڭدەۋمەن اينالىسادى. بەيبiت باكiر ۇلىنىڭ ايتۋىنشا، بۇل تاپسىرما، ءاسiرەسە، ماقتاارال، سارىاعاش، قازىعۇرت، تولەبي جانە ورداباسى اۋداندارى ءۇشiن وزەكتi. ب.اتامقۇلوۆ اۋدان اكiمدەرiنە وسى باعىتتاعى جۇمىستى قولعا الۋدى جۇكتەدi. تۇرعىنداردىڭ اراسىندا كەڭ كولەمدi ءتۇسiندiرۋ جۇمىستارىن جۇرگiزiپ، اۋىل شارۋاشىلىعى كووپەراسيالارىنىڭ تيiمدiلiگiنە شارۋالاردىڭ كوزiن جەتكiزۋ كەرەك. ءوڭiر باسشىسى تۇلكiباس اۋدانى كورشiلەس جامبىل وبلىسىمەن ءسۇت جانە ءسۇت ءونiمدەرiن وتكiزۋ ءجونiندە ىنتىماقتاستىق ورناتۋى كەرەكتiگiن اتاپ ءوتتi.

وبلىس اكiمiنiڭ ورىنباسارى ەربول سادىرعا ايماقتىق دامۋ جوسپارىن ءازiرلەۋدi تاپسىردى. سونىمەن قاتار، وسىنداي جوسپارلار بiر اپتانىڭ iشiندە بارلىق اۋدان، قالالاردا قابىلدانۋى كەرەكتiگiن ەسكەرتتi.

مەملەكەت باسشىسى ۇكiمەتكە الداعى 5 جىلدا يگەرiلمەي جاتقان 600 مىڭ گەكتار القاپتى اينالىمعا قوسۋ ءجونiندە تاپسىرما بەرگەن بولاتىن. وسىعان وراي ءوڭiر باسشىسى وبلىس اۋماعىندا يگەرiلمەي جاتقان ەگiستiك القاپتاردى اينالىمعا قايتا قوسۋ مەن اعىن سۋمەن قامتاماسىز ەتۋ پروبلەمالارىن شەشۋدiڭ ماڭىزدىلىعىنا توقتالدى. ەگiستiكتi اعىن سۋمەن تولىق قامتاماسىز ەتۋ ءۇشiن وبلىستىق اۋىل شارۋاشىلىعى باسقارماسىنا اۋدان اكiمدiكتەرiمەن بiرلەسە وتىرىپ، اپاتتى جاعدايداعى سۋ قويمالارىن جوندەۋ مەن جاڭالارىن سالۋدىڭ جوسپارىن ءازiرلەۋدi تاپسىردى.

– ەگiستiك القاپتاردى سۋلاندىرۋ ماسەلەسiن شەشۋدە سۋ قويمالارىن سالۋدىڭ ماڭىزى ايرىقشا. ءبايدiبەك اۋدانىندا ۇلكەن سۋ قويماسى سالىنىپ جاتىر. بيىل ونىڭ قۇرىلىسى اياقتالۋى كەرەك. وتىرار اۋدانىندا دا بۇل باعىتتا جۇمىس جۇرگiزiلۋدە. وبلىستىق باسقارما بارلىق اۋدانداردا وسىنداي مۇمكiندiكتەردi زەرتتەپ، جوسپار ءازiرلەۋi تيiس، – دەدi بەيبiت باكiر ۇلى.

وبلىس باسشىسى «جiبەك جولى» ەكونوميكالىق بەلدەۋiنiڭ اياسىندا 51 قازاق-قىتاي بiرلەسكەن جوباسى جاسالعانىن، ونىڭ ۇشەۋi بiزدiڭ ءوڭiرگە تيەسiلi ەكەنiن اتاپ ءوتتi. بۇل جوبالار وبلىس ەكونوميكاسىنىڭ دامۋىنا سەرپiن بەرiپ، حالىقتى جۇمىسپەن قامتۋعا وڭ ىقپال ەتەدi دەپ كۇتiلۋدە.

ەلباسى جەر قورىنا قايتا مونيتورينگ جاساۋدى جانە باس جوسپارلارعا تيiستi وزگەرiستەر ەنگiزۋدi تاپسىرعانى بەلگiلi. سەبەبi، اكiمدەرگە يگەرiلمەي جاتقان جەر تەلiمدەرiن مەملەكەتتiڭ قاجەتتiلiگi ءۇشiن، اتاپ ايتقاندا، تۇرعىن ءۇي قۇرىلىسىن جۇرگiزۋ ماقساتىندا ساتىپ الۋ قۇزىرەتi بەرiلمەك. وبلىس اكiمi تۇرعىن ءۇي قۇرىلىسى جۇرگiزiلەتiن ايماقتارداعى كولiك جانە ينفراقۇرىلىم ماسەلەلەرiن الدىن الا ويلاستىرۋ كەرەكتiگiن ايتتى.

باسقوسۋعا قاتىسۋشىلار ۇلت جوسپارىنىڭ ورىندالۋ بارىسىن، حالىقتى جۇمىسپەن قامتۋدىڭ، وبلىستىڭ كولiك تاسىمالى الەۋەتiن ارتتىرۋدىڭ جاي-كۇيiن، سونداي-اق، ءوڭiردiڭ ءوز كولiك-لوگيستيكا حابىن قۇرۋ ماسەلەلەرiن تالقىلادى.

ءماجiلiستە «نۇرلى جول» باعدارلاماسىنىڭ وبلىستاعى ورىندالۋ بارىسى دا تالقىلاندى. بۇل ماسەلە ءجونiندە وبلىس اكiمiنiڭ بiرiنشi ورىنباسارى دارحان ساتىبالدى بايانداما جاساپ، ورىن العان كەيبiر كەمشiلiكتەرگە توقتالدى. دارحان امانگەلدiۇلىنىڭ ايتۋىنشا، سارىاعاش اۋدانى بiرتiلەك، بiرiنشi مامىر اۋىلدارىنداعى مەكتەپتەردiڭ قۇرىلىسىنا ءبولiنگەن قارجىنىڭ 312 ميلليون تەڭگەسi، سايرام اۋدانى قوسبۇلاق جانە قارابۇلاق اۋىلدارىنداعى مەكتەپتەردiڭ قۇرىلىسىنا ءبولiنگەن قارجىنىڭ 244 ميلليون تەڭگەسi يگەرiلمەگەن. سونداي-اق، شاردارا قالاسىنداعى №3 شاعىن اۋداننىڭ ينجەنەرلiك ينفراقۇرىلىمىنا ءبولiنگەن 51 ميلليون تەڭگە دە ۋاقتىلى يگەرiلمەي وتىر.

وبلىس اكiمiنiڭ ورىنباسارى جاقىپ بوكەنبايەۆتىڭ ايتۋىنشا، «بيزنەستiڭ جول كارتاسى – 2020» باعدارلاماسىنىڭ اياسىندا وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى ارقىلى ينفراقۇرىلىم جەلiلەرiن سالۋعا باعىتتالعان 4 جوباعا 699 ميلليون تەڭگە ءبولiنگەن. جوسپارعا سايكەس، 1 قىركۇيەككە دەيiن 652 ميلليون تەڭگە يگەرiلۋi تيiس بولسا، iس ءجۇزiندە 456 ميلليون تەڭگە نەمەسە جوسپارداعىنىڭ 70 پايىزى عانا يگەرiلگەن. اتاپ ايتار بولساق، ماقتاارال اۋدانى مەن تۇركiستان قالاسىنداعى جانە شىمكەنتتەگi «تاسساي» يندۋستريالدى ايماقتارىنىڭ ينفراقۇرىلىمىن تارتۋ جۇمىستارى كەستەدەن كەشەۋiلدەپ جاتىر. سونداي-اق، تۇلكiباس اۋدانى ماشات شاتقالىنداعى دەمالىس ايماعىن گازداندىرۋعا ءبولiنگەن قارجىنىڭ دا ەلەۋلi ءبولiگi يگەرiلمەگەن.

ب.اتامقۇلوۆ اۋدان اكiمدەرiنە اتالعان كەمشiلiكتەردiڭ قىسقا مەرزiمدە تۇزەتiلۋiن، ال، وبلىس اكiمiنiڭ ورىنباسارى ەربول سادىرعا قارجىنىڭ ۋاقىتىلى يگەرiلمەۋiنە جاۋاپتى لاۋازىمدى تۇلعالارعا ءتارتiپتiك شارا قولدانۋ ءجونiندە ۇسىنىس ەنگiزۋدi تاپسىردى.

ءماجiلiستە وبلىستىڭ قىسقى جىلىتۋ ماۋسىمىنا دايىندىعى دا قارالدى. اتالعان ماسەلە ءجونiندە وبلىس اكiمiنiڭ ورىنباسارى جاقىپ بوكەنبايەۆ بايانداما جاسادى. وبلىس اكiمi ب.اتامقۇلوۆ كەنتاۋدا كومiرمەن قامتاماسىز ەتۋ جۇمىستارىنىڭ ويداعىداي جۇرگiزiلمەگەنiن سىنعا الىپ، قالا اكiمi ءابدiباقىت ماقۇلبايەۆقا اتالعان كەمشiلiكتi تەز ارادا تۇزەتۋدi تاپسىردى.

– وكiنiشكە قاراي، تيiستi باسقارمانىڭ ۇسىنعان ءمالiمەتتەرi بويىنشا، وبلىستا قىسقا دايىندىق جۇمىستارىندا كوپ كەمشiلiكتەر ورىن العان. ەلدi مەكەندەردەگi جىلۋ قازاندىقتارىنىڭ جاعدايى سىن كوتەرمەيدi. وسى ماسەلە جىل سايىن قايتالانادى. ال، بiز جىلدا اياز باستالعان كەزدە قىس بiرiنشi رەت كەلگەندەي الاساپىرانعا تۇسەمiز. قىسقا دايىندىق جۇمىستارىن جانداندىرۋدى جاقىپ بوكەنبايەۆقا جۇكتەيمiن، – دەگەن بەيبiت باكiر ۇلى جىلىتۋ ماۋسىمىنىڭ ساپاسى مەن بارىسىنا قاتىستى اۋدان، قالا اكiمدەرiنiڭ جەكە جاۋاپكەرشiلiگi قارالاتىنىن ەسكەرتتi.

سونداي-اق، ءماجiلiس بارىسىندا وبلىستىق اۋىل شارۋاشىلىعى باسقارماسىنىڭ باسشىسى سەرiك تۇربەكوۆ جيىن-تەرiم ناۋقانىنىڭ بارىسىنا توقتالدى.

وبلىس اكiمi ب.اتامقۇلوۆ تيiستi لاۋازىمدى تۇلعالارعا ءماجiلiستە قارالعان ماسەلەلەردi قاتاڭ باقىلاۋدا ۇستاپ، كەمشiلiكتەردi تۇزەتۋدi تاپسىردى.

ايدار قۇلجانوۆ، "وڭتۇستىك قازاقستان" گازەتى