قازاقستان پرەزيدەنتi نۇرسۇلتان نازاربايەۆ قازاقستاندىق جۋرناليستەرمەن وتكەن بريفينگتە قىتايعا ساپار بارىسىندا قحر ءتوراعاسى سي سزينپينمەن بولعان ەكiجاقتى كەلiسسوزدەر قورىتىندىسىنا جوعارى باعا بەردi.

«مەنiڭ جۇڭگو حالىق رەسپۋبليكاسىنا جۇمىس ساپارىم وتە جوعارى دەڭگەيدە ءوتتi، ءاسiرەسە بiز ايتقان ەكiجاقتى قارىم-قاتىناس ماسەلەلەرiنiڭ بارلىعىنا قىتايلىق تاراپتىڭ ىقىلاسى ەرەكشە بولدى. بiردە-بiر ماسەلە شەشۋسiز قالمادى. بiز بۇرىن كەلiسە الماي جۇرگەن قازاقستان اۋماعىنداعى زاماناۋي كاسiپورىندار قۇرىلىسى جايلى ناقتى كەلiسiم جاسادىق. بۇل تiزiم 51 نىساندى قامتيدى، ونىڭ ەكەۋi سالىندى، تورتەۋi بيىل 2،5 ميلليارد دوللار قاراجاتقا سالىنادى جانە 5 جىل بويى قۇنى 26 ميلليارد دوللار بولاتىن كاسiپورىندار سالىنادى» دەدi ول.

مەملەكەت باسشىسى ق ر مەن قحر اراسىندا مەملەكەت جانە كومپانيالار دەڭگەيiندەگi ورتاق قورلاردىڭ جۇمىس iستەيتiنiن اتاپ ءوتتi.

«جiبەك جولى قورى جۇمىس iستەيدi، بۇل جۇمىستى قولداۋ ءۇشiن بانك قۇرىلدى جانە ارينە، ەڭ باستىسى – ەكi ەل اراسىنداعى كولiكتiك-كوممۋنيكاسيالىق بايلانىس. جىل سايىن تىنىق مۇحيتتان جۇڭگو ارقىلى ەۋروپاعا، رەسەيگە، ورتالىق ازياعا قازاقستان ارقىلى جۇك ترانزيتi ۇلعايدى، اقتاۋ پورتىن پايدالانۋ دا بiرنەشە ەسەگە كوبەيدi، مۇنداي ديناميكا بۇرىن بولماعان» دەدi ن.نازاربايەۆ.

«مۇنىڭ ءبارi «قورعاس» قۇرعاق پورتى قۇرىلىسىنىڭ، «قورعاس-الماتى» ءۇش ءجۇز شاقىرىمدىق تەمiرجول قۇرىلىسى اياقتالۋىنىڭ ارقاسىندا، جۇڭگو شەكاراسىنان كاسپييگە دەيiن جەتەتiن تەمiرجولدىڭ، «باتىس جۇڭگو – باتىس ەۋروپا» اۆتوكولiك جولىنىڭ ارقاسىندا جۇزەگە استى» دەدi مەملەكەت باسشىسى.

پرەزيدەنت قاشاعان iرi كەن ورنى پايدالانۋعا بەرiلگەن سوڭ قىتايعا ەنەرگيا رەسۋرستارىن جەتكiزۋ مۇمكiندiكتەرiنiڭ كوبەيەتiنiن اتاپ ءوتتi.

«قازiر بiز شامامەن 7 ميلليون توننا جەتكiزۋدەمiز، ونى 20 ميلليون تونناعا دەيiن كوتەرۋگە بولادى جانە قازاقستاننان قىتايعا گاز جەتكiزۋدi دە ۇلعايتۋعا مۇمكiندiك بار» دەپ، ەلباسى ەنەرگەتيكا سالاسىنا ايرىقشا ءمان بەردi.

ەكiجاقتى ىنتىماقتاستىقتىڭ ەڭ ماڭىزدى اسپەكتiسi رەتiندە ن.نازاربايەۆ اۋىل شارۋاشىلىعىن اتادى.

«اۋىل شارۋاشىلىعىندا، ءبارiنەن بۇرىن، العاش رەت قىتايعا بيداي، باسقا دا ءداندi داقىلدار، بۇرشاق، ەت، قۇس ءونiمدەرiن جەتكiزۋ تۋرالى كەلiسiمگە قول جەتكiزدiك. ەندi اۋىل شارۋاشىلىعى ءونiمدەرiن ءوندiرۋشiلەرگە جول اشامىز» دەدi ول.

ونىڭ ايتۋىنشا، قازاقستان كيبەرقاۋiپسiزدiكتi قامتاماسىز ەتۋ بويىنشا جۇڭگو ءتاجiريبەسiن ۇلگi ەتۋi تيiس.