بالا بەسىكتەن بەلى شىعىپ، ەڭبەكتەنۋدەن وتكەن سوڭ، ءوز اياعىمەن تۋعان جەرىنىڭ توپىراعىن باسىپ، ءىز ءتۇسىرىپ، ءوز كوزىمەن الدىنا قاراپ، تاڭ-تاماشا بولادى.
بۇل كىشكەنتاي بوبەكتىڭ ەڭ العاشقى تالپىنىسى، ءوزى جاساعان تىرشىلىگى. وسىندايدا دانا قازاق بالانىڭ كەلەشەگىنە اق جول تىلەپ، «بالام تەز ءجۇرىپ كەتسىن» دەگەن نيەتپەن «تۇساۋكەسەر» تويىن جاسايدى.
قازاقتىڭ بەلگىلى كوممەنتاتورى نۇرجان ەركىن ۇلى بالاسىنىڭ تۇساۋىن كەستىرۋ ءۇشىن دۇرىس ادامدى تاڭداپتى. ارىپتەسى دميتريي موستوۆوي قازاق حاندىعىنا قاتىستى وتكىر پىكىرىمەن ەل ەسىندە قالعان ازامات.
«قازاق حاندىعىنىڭ 550 جىلدىعىن ۇرعانىم بار» دەپ «اعىنان جارىلعان» دميتريي جاڭادان اشىلىپ جاتقان سپورتتىق تەلەارنانىڭ تىزگىنىن ۇستادى دەگەن اقپارات تارادى. نيەتتەس دوسى، جۇيرىك ويلى، زاماننىڭ كەمەڭگەر كوممەنتاتورى نۇرجاننىڭ دا جارقىن داۋىسىن جۋىردا سول ارنادان ەستىپ قالارمىز ەندەشە؟
«تۇساۋ كەسەر قۇتتى بولسىن»، دەپ تىلەيىك، اعايىن! «ديما كوكەسى» سياقتى قازاققا قامقور ازامات بولسىن!
دەرەككوز: prosportkz.kz
