اقتوبەدە «ماڭگىلىك ەل – بولاشاعى ءبىرتۇتاس ەل» پاتريوتتىق فورۋمى ءوتتى. فورۋمعا اتىراۋ، قىزىلوردا، كورشىلەس ورىنبور وبلىسىنىڭ جاستارى مەن ارداگەرلەرى كەلدى، دەپ حابارلايدى Bnews.kz ءتىلشىسى.

«ماڭگىلىك ەل – بولاشاعى ءبىرتۇتاس ۇلت» اتتى ايماقتىق فورۋمعا قاتىسۋشىلار ءاليا مولداعۇلوۆا اتىنداعى مەموريالدىق كەشەنگە جينالىپ، تاۋەلسىزدىكدىڭ 25 جىلدىعىندا اتقارىلعان يگى جۇمىستاردى ايتتى. مۇنداعى ماقسات – جاستاردىڭ پاتريوتتىق سەزىمىن وياتۋ، ولاردى ايانباي ەڭبەك ەتۋگە شاقىرۋ. «مۇنداي فورۋم جاستاردىڭ بويىنا پاتريوتتىق سەزىم ۇياتالاتادى. شارادا اتا-بابا تاريحى، ەل مەن جەردىڭ قۇندىلىعى، اماناتى تۋرالى ايتىلدى. ەلىن سۇيگەن، ەلى سۇيگەن ەلباسى نۇرسۇلتان نازاربايەۆ جاستارعا ۇلكەن سەنىم ارتاتىنىن ءجيى ايتادى. جاستار  ەلىمىزدىڭ بىرلىگىن، ەگەمەندىگىن ساقتاپ قالاتىن ۇرپاق»، - دەيدى اۋعان سوعىسىنىڭ ارداگەرى مارات قويلىبايەۆ.
ايماقتىق پاتريوتتىق فورۋمعا كورشى ورىنبور ءوڭىرى، اتىراۋ، قىزىلوردا وبلىستارىنىڭ وكىلدەرى قاتىستى. بارلىعى 200-دەن استام جاس پاريوتتىق اندەر تىڭداپ، ەڭبەك ارداگەرلەرى مەن اۋعان سوعىسى جاۋىنگەرلەرىنىڭ وسيەتتى اڭگىمەسىن تىڭدادى.
«ءبىز تاربيەگە سالعىرت قارامايتىن ەلمىز. ەگەر اعاسى ىنىسىنە رەنىشىن ايتسا، جانى اشىپ ايتادى. جاستار تۋرالى ايتار بولسام، ءقازىر نارىق زامانى. ەكونوميكامىز العا باسىپ كەلە جاتقان تۇستا تاريحىمىز بەن ءسالت-داستۇرىمىزدى، ەلگە ۇلگى ازاماتتاردى تاعى ەسكە الىپ، ولار تۋرالى جان-جاقتى اقپارات بەرۋ ارقىلى بۇگىنگىنىڭ بالاسىن جاقسى تاربيەلەي الامىز. ارگادەرلەردىڭ ەڭبەك جولى مەن اتقارعان ىستەرى دە ولارعا ۇلگى»، - دەيدى قىزىلوردا وبلىسىنىڭ «ەرلىك» ۇيلەستىرۋ كەڭەسىنىڭ ءتوراعاسى.
شاراعا تالعات بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى، زاڭ ينستيتۋتىنىڭ كۋرسانتتارى قاتىستى. پاتريوتتىق كلۋبتار مەن ۇكىمەتتىك ەمەس ۇيىم وكىلدەرى، ەتنو-مادەني ورتالىق جەتەكشىلەرى دە جاستارعا ۇلگى، وقۋشىلارعا ونەگە بولار قازاق تاريحى مەن ەل ىشىندە اتقارىلىپ جاتقان يگى ىستەرىمەن ءبولىستى. مەكتەپ وقۋشىلارى «ماڭگىلىك ەل» يدەياسىن بىلەدى، ءار وقۋشى ونى وزىنشە ۇعادى. ءبىرى تاۋەلسىزدىگىمىزدى، ۇلتتىق رامىزدەرىمىزدى ءقادىر تۇتادى، ەكىنشىسى جاقسى وقىپ، تابىستى جۇمىس ىستەۋ ارقىلى ەل دامۋىنا ۇلەس قوسۋدى ارماندايدى.
«ماڭگىلىك ەل بولۋ بىزگە بايلانىستى دەپ ويلايمىن. ەر جەتىپ، جاقسى ماماندىق تاڭداپ، ەلىمىزگە قىزمەت ەتۋىمىز كەرەك. سوندا ءبىز ماڭگىلىك ەل بولىپ، دامىعان ەلگە اينالامىز»، - دەيدى №21 مەكتەپ-گيمنازياسىنىڭ وقۋشىسى زارينا ىزدەگەن.