جامبىل وبلىسىندا تاعى دا تالاس وزەنى تاسىدى. سۋدىڭ سالدارىنان سارىكەمەر اۋدانىنداعى 60 شاقتى ءۇيدى سۋ باسىپ قالعان،- دەپ حابارلايدى Qamshy.kz 31 - ارناعا سىلتەمە جاساپ.  تۇرعىندارى اپات جايىندا الدىن-الا دابىل قاققانمەن، اكىمدىك ارەكەتسىز بولدى دەيدى حالىق.  تولارساقتان كەلگەن سۋ ۇيلەرىن قۇلاتا ما دەپ قاۋىپتەنەدى. سول اۋىلدىڭ تۇرعىنى «ءتۇننىڭ ءبىر ۋاعىندا نە اكىم كەلمەيدى، نە شابارماندارى كەلمەيدى» دەيدى.  تالاس وزەنى سارىكەمەرلىكتەردىڭ سارى ۋايىمىنا اينالدى. سۋ مولشەرى بوگەتتى بۇزىپ، ارناسىن اسىپ، تۇرعىن ۇيلەرگە جاقىنداپ قالعان. جۇرت جاعدايىن ايتىپ، جاۋاپتى ماماندارعا سان رەت جۇگىندىك دەيدى.  الايدا اكىمدىك وزەنگە جاعالاي جايعاسقان جۇرتتىڭ ءوزىن ايىپتاپتى. تاسىعان تالاس ەتەكتەگى ەلدى تۇگەل جايلاعان. سۋ الماعان ساۋ جەر قالماعان. سۋ تالاس باسسەيندى ينسپەكسياسى بۇل اپات قامسىزدىقتان بولعانىن مويىندايدى.  بولماسا سۋ شايعان گاز جۇيەسى مەن ەلەكتر باعانالارىن قالپىنا كەلتىرۋ ءۇشىن 12 كۇن تالاستى توقتاتىپ تۇرىپتى.