الماتى وبلىسىندا وتكەن جەكسەنبىدەن بەرى حابارسىز كەتكەن ءۇش جىگىتتى ىزدەۋ جۇمىستارىنا ەرىكتىلەر دە جۇمىلدىرىلعان بولاتىن. ازىرگە جوعالعانداردىڭ ەكى كولىگى عانا تابىلعان. باسقا دەرەك جوق، - دەپ حابارلايدى Qamshy.kz.

الماتى وبلىسى جامبىل اۋداندىق ءىىب وكىلدەرى ۇزىن سانى 300 شاقتى ەرىكتىدەن ۇيدى-ۇيلەرىنە تاراۋدى، جوعالعانداردى پوليسيا قىزمەتكەرلەرى ءوز كۇشتەرىمەن تاباتىنىن ايتقان.

وسى وقيعا جونىندە الماتى وبلىستىق ىىد-گە حابارلاسقانىمىزدا، باسپا ءسوز قىزمەتىندەگىلەر ءقازىر ىزدەستىرۋ جۇمىستارى ءجۇرىپ جاتقانىن، ونىڭ ناتيجەلەرى تۋرالى قوسىمشا حابارلاناتىنىن عانا جەتكىزدى.

«ىزدەۋ جۇمىستارىنا وبلىستىق ءىىد قىزمەتكەرلەرى جۇمىلدىرىلىپ وتىر. ءقازىر ناقتى مالىمەت جوق. ىزدەۋ جۇمىستارىنىڭ بارىسى تۋرالى قوسىمشا حابارلانادى» دەيدى باسپا ءسوز قىزمەتىندەگىلەر.

ەرىكتىلەر بولسا، ەل امان، جۇرت تىنىشتا ءۇش بىردەي ازاماتتىڭ جوعالۋى قاتارداعى قىلمىس ەمەستىگىن ايتادى. ول ادامداردى قانداي دا ءبىر قىلمىستىق توپ توناۋ ماقساتىندا ۇرلاپ كەتۋى مۇمكىن دەگەن دە كۇدىكتەرى جوق ەمەس.  

ەستەرىڭىزگە سالساق، مال ساۋداسىن كاسىبىنە اينالدىرعان 1979 جىلعى دولدان ۇلى جارقىنبەك، 1973 جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەر شىعىس قازاقستان وبلىسىنىڭ تارباعاتاي اۋدانىنان 40 باس مال ساتىپ الىپ، ونى ەكى جۇك كولىگىمەن 17 قىركۇيەك، سەنبى كۇنى، الماتى ماڭىنداعى ۇزىناعاش بازارىنا شىعارعان.  ول كۇنى مالدارى وتپەي، جەكسەنبى سول اۋىلدان 40 شاقىرىم جەردەگى بەلگىسىز ءبىر ازاماتتارعا ساتپاق بولادى. سودان بەرى اتالعان جىگىتتەردىڭ جۇرگەن جەرى تۋرالى ەش حابار جوق.

ەرلان تولەۋباي