“قاتتى سويلەيسىڭ” دەگەن ايەلىنىڭ ەسكەرتۋىنە قۇلاق اسپاي، كوپشىلىكتىڭ نارازىلىعىن تۋدىرعان قاپشاعاي قالاسىنىڭ اكىمى ءساتجان قيقىموۆ اقىرى ءوز قالاۋىمەن جۇمىستان كەتۋدى ۇيعارىپتى. بۇل تۋرالى Qamshy.kz 31- ارناعا سىلتەمە جاساپ حابارلايدى.
ءدال وسى ۆيدەودا تۇرعىنعا دىكىڭدەي سويلەگەن قاپشاعاي قالاسىنىڭ اكىمى بۇگىن ادەپ كەڭەسىندە تۇسىنىكتەمە بەرۋى ءتيىس بولعان. ءبىراق وتىرىس كەيىنگە شەگەرگەن. دەگەنمەن قاپشاعاي قالاسىنىڭ اكىمى بۇل ارەكەتىنە قاتىستى ەندى مۇلدەم جاۋاپ بەرمەۋى مۇمكىن. سەبەبى ول جۇمىستان كەتۋ تۋرالى تۇبەگەيلى شەشىم قابىلداپ، ءوز قالاۋىمەن اكىم كرەسلوسىمەن قوشتاسۋعا بەل بۋىپتى. الايدا ونى جۇمىستان شىعارۋ-شىعارماۋ تۋرالى ناقتى شەشىم ءالى قابىلدانعان جوق.
