اقپارات جانە كوممۋنيكاسيا مينيسترلىگى كامەلەتتىك جاسقا تولماعان جاسوسپىرىمدەر مەن بالالاردىڭ ادامگەرشىلىك جانە رۋحاني دامۋىنا كەرى ىقپال ەتەتىن بالانىڭ دەنساۋلىعىنا زيانىن تيگىزەتىن تەرىس اقپاراتتاردان، ناسيحات پەن ۇگىت-ناسيحاتتان، الەۋمەتتىك ورتانىڭ اسەرىنەن قورعاۋعا مەملەكەتتىك كەپىلدىك بەرەتىن زاڭ جوباسىن ۇسىندى. مۇنى مينيستر داۋرەن ابايەۆ فەيسبۋكتەگى جەكە پاراقشاسىندا جاريالادى، - دەپ حابارلايدى Qamshy.kz.
بۇل تۋرالى ول ءوزىنىڭ فەيسبۋكتەگى پاراقشاسىندا جازادى.
«اسىرەسە جۋرناليستەردىڭ، بايلانىس جانە اقپارات قىزمەتكەرلەرىنىڭ، ازاماتتىق سەكتور وكىلدەرىنىڭ نازارىنا!
بۇگىن ءبىزدىڭ مينيسترلىك «اشىق نورماتيۆتىك قۇقىقتىق اكتىلەر» پورتالىنا «اقپارات جانە كوممۋنيكاسيالار ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە تولىقتىرۋلار مەن وزگەرتۋلەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسىنا قاتىستى تۇجىرىمدامانى ورنالاستىردى.
بۇل قۇجات بىزگە قاراستى سالادا ەلەۋلى وزگەرىستەر جاساۋعا باعىتتالعان جانە كاسىبي توپتاردىڭ كەڭ اۋقىمى مەن جالپى جۇرتشىلىقتىڭ مۇددەلەرىن قامتيدى.
مەن مۇنداي نورمالار ازاماتتىق تالقىلاۋ ارقىلى عانا قابىلدانۋى تيىستىگىنە نىق سەنىمدىمىن.
تۇجىرىمداما جاريالانعان بولىمدە ءوز ەسكەرتۋلەرىڭىزدى، ۇسىنىستارىڭىز بەن تالاپ-تىلەكتەرىڭىزدى قالدىرۋعا بولاتىن ارنايى فۋنكسيا بار. ونىڭ بارلىعىن مينيسترلىك جانىنداعى زاڭ شىعارماشىلىق جونىندەگى جۇمىس توبى قاراستىراتىن بولادى» دەپ جازادى مينيستر.
