وڭتۇستىك قازاقستاندا ءبىر اپتادا بولعان 3 جول اپاتىنا قاتىستى تەرگەۋ بارىسىن ىشكى ىستەر مينيسترلىگى ءوز باقىلاۋىنا الدى دەپ حابارلايدى Qamshy.kz كتك ارناسىنا سىلتەمە جاساپ.

ونداعى ارنايى كوميسسيا 4 كۇن ىشىندە «تاشكەنت-تەرمەز» كۇرە جولىنداعى 12 ادامنىڭ ءومىرىن قيعان وقىس وقيعالار بويىنشا تەكسەرۋ جۇرگىزىپ جاتىر. ال قاۋىپسىزدىكتى كۇشەيتكەن كۇنگەيدىڭ پوليسەيلەرى ءار كولىكتى توقتاتىپ، ەسكەرتۋ جاساپ الەك.

«تاشكەنت –تەرمەز» كۇرە جولىنداعى اينالدىرعان 20 شاقىرىمدىق بولىگىندە 4 كۇن ىشىندە 12 ادامنىڭ ءومىرى قيىلدى. 19 قىركۇيەك كۇنى مۇندا 20 شاقتى جولاۋشىنى اكەلە جاتقان شاعىن اۆتوبۋس الدىنداعى كولىكتەن وزباق بولعاندا قارسى بەتتەگى «تويوتامەن» سوقتىعىسقان. 6 ادام قازا تاۋىپ، 16-سى ءالى اۋرۋحانادا جاتىر. تاعى ەكى كۇننەن كەيىن فولكسۆاگەن جەڭىل ماشيناسى وزبەكستاننان جۇمىسشىلاردى اكەلە جاتقان «كيا» شاعىن اۆتوبۋسىمەن سوقتىعىسىپ، ەكى ادام سول جەردە ءتىل تارتپاي كەتكەن بولاتىن. بىرەۋىنىڭ ءتىپتى باسى جۇلىنعان.

ال كۇنى كەشە عانا مۇندا ءوزىنىڭ ۇيلەنۋ تويىنا اسىعىپ كەلە جاتقان جىگىت «مەرسەدەسىمەن» جول جيەگىندە تۇرعان «گازەلگە» سوعىلدى. 25 جاستاعى كۇيەۋ جىگىت پەن ونىڭ قوس قارىنداسى جانە دوسى سول جەردە ءتىل تارتپاي كەتتى. تورتەۋى دە جەر قوينىنا تاپسىرىلدى.

وسى جول اپاتتارى بويىنشا تەكسەرۋدى قولعا العان مينيسترلىك وڭتۇستىكتەگى ءبىرقاتار شەندىلەردى جازالاۋعا بەل بۋىپ وتىرعان سىڭايلى.