اقتوبە وبلىسىندا 23 جاستاعى جاس انا التى كۇننەن بەرى ەس-تۇسسىز جاتىر. جاس كەلىنشەك پەن ونىڭ ءسابيىنىڭ ءومىرىن قۇتقارىپ قالۋ ءۇشىن دارىگەرلەر كۇرەسىپ جاتىر. بۇل تۋرالى  Qamshy.kz Stan.kz –كە  سىلتەمە جاساپ  حابارلايدى.

جاس انا مەن ونىڭ نارەستەسىنىڭ ءومىرى ءۇشىن ءقازىر بۇكىل قالا ۋايىمداپ وتىر.

“ايەل ونى كۇيەۋى ونى اۋرۋحاناعا اكەلگەن كەزدە كومادا بولعان ەدى. ول ءۇش كۇن بويى باسى قاتتى اۋىرىپ، تەك سيترامون ىشكەن. ناتيجەسىندە اياق-قولى تارتىلىپ، تىنىس الۋى توقتاپ قالعان. ءقازىر ول ارناۋلى اپپاراتقا قوسىلعان”، – دەدى بوساندىرۋ مەكەمەسى باس دارىگەرىنىڭ ورىنباسارى ۆلاديمير اۆرامەنكو.

“مەن ونىڭ كۇيەۋىمەن سويلەستىم. جالپى، جۇكتى ايەلدەر ءوز دەنساۋلىعىنا ەرەكشە جاۋاپكەرشىلىكپەن قاراۋى ءتيىس. ءۇش كۇن بويى ۇيدە جاتپاي، بىردەن جەدەل جاردەم شاقىرۋلارى كەرەك ەدى،” – دەپ اتاپ ءوتتى دارىگەر.

ال الەۋمەتتىك جەلىدە جاس اناعا 2ء-شى توپتاعى تەرىس قان توبى قاجەت ەكەندىگى تۋرالى حابارلاما جاريالانا سالىسىمەن، كەلەسى كۇنى “اقتوبە وبلىستىق قان ورتالىعىنا” بىرنەشە ساعاتتىڭ ىشىندە 14 ادام كەلىپ، قان تاپسىرعان.

“بىزدە كەز-كەلگەن قان توبى بويىنشا قوسالقى قورىمىز بار. ءتىپتى تەراكت بولعان كەزدە دە ءبىز بارلىق جاعدايدى رەتتەپ باقىلاۋدا ۇستاي الدىق. ال كەلىپ قان تاپسىرىپ، ءبىزدىڭ قورىمىزدى مولايتىپ جاتقان جاندارعا العىسىمىزدى ايتامىز”، – دەيدى ورتالىق ديرەكتورىنىڭ ورىنباسارى گۇلسىم ءابدىراحمانوۆا.

2010 جىلى ەكلامپسياعا، ياعني، جۇكتىلىك تالماسىنا ۇشىراعان ەكى ايەل ومىرىمەن قوش ايتىسقان. جىلىنا وسىنداي 3-4 جاعداي ورىن الادى ەكەن.

“ەكلامپسيا بۇل جارىلىس دەپ اۋدارىلادى. ايەلدەر مۇنداي جاعدايعا ۇشىراعان كەزدە، ەسىنەن ايىرىلىپ، ءتىپتى سول جاعدايدان كەيىن دە نە بولعانىن ەسىنە تۇسىرە المايدى. اۋرۋ جۇكتىلىكتىڭ كەز-كەلگەن مەرزىمىندە مازالاۋى مۇمكىن. كوپ جاعدايدا ايەلدەر مۇنداي قيىندىقتان سوڭ ءتىرى قالادى. تەك جەدەل مەديسينالىق كومەك دەر ۋاقىتىندا كورسەتىلۋى ءتيىس”، – دەيدى وبلىستىڭ باس گينەكولوگى ءاليا جانعالييەۆا.