الماتى وبلىسىندا ولتىرىلگەن ءۇش جىگىتتى قىلمىسكەرلەر مالدىڭ قيىنا كومىپ كەتكەن. بۇل تۋرالى بۇگىن مارقۇمداردىڭ ءمايىتىن سوت-ساراپتاما ورتالىعىنان الىپ شىققان تۋىستارى مالىمدەدى، - دەپ حابارلايدى Qamshy.kz.
«بۇل قىلمىسكەرلەر دە تۇرمەدەن شىققان دەپ جاتىر. ۇشەۋىن مالدىڭ تەزەگىنە اپارىپ كومىپ كەتكەن. مال ءوز تەزەگىنىڭ ۇستىنە جاتپايدى عوي. بۇلاردى قاتاڭ جازالاۋ كەرەك»، - دەيدى مارقۇمنىڭ تۋىستارى.
سونداي-اق، جابىرلەنۋشى تاراپ جوعالعان ازاماتتاردى ىزدەستىرۋ كەزىندە پوليسيانىڭ سىلبىر قيمىلداعانىن، ىزدەۋگە شىعاتىن كولىكتەرىنىڭ دە بولماعانىن ايتادى.
مارقۇمداردىڭ تۋىستارىنىڭ ايتۋىنشا، ءۇش ازاماتتى ولتىرگەندەردىڭ ناقتى سانى ازىرگە بەلگىسىز. التى ادامنان قۇرىلعان توپتىڭ ءىسى بولۋى مۇمكىن دەگەن دە كۇدىك بار.
