بۇگىن استانادا ءماجىلىس سپيكەرى ن. ءنىعماتۋليننىڭ توراعالىعىمەن يننوۆاسيا، تەحنولوگيا جانە ءبىلىم ماسەلەلەرى جونىندەگى استانا پارلامەنتارالىق فورۋمى باستالدى،-دەپ حابارلايدى Qamshy.kz.

20 دان استام ەلدەردىڭ پارلامەنتشىلەرى مەن ساراپشىلارى، سونداي-اق، حالىقارالىق ۇيىمداردىڭ وكىلدەرى جينالعان ماڭىزدى فورۋمدا ءماجىلىس ءتوراعاسى قاتىسۋشىلارعا قۇتتىقتاۋ ءسوزىن ارناي كەلىپ، ەلىمىزدە العاش رەت ۇيىمداستىرىلىپ وتىرعان وسى فورۋمنىڭ قازاقستان تاۋەلسىزدىگىنىڭ 25 جىلدىق مەرەيتويى قارساڭىندا وتۋىنە ايرىقشا نازار اۋداردى.

ءماجىلىس سپيكەرى اتاپ وتكەندەي، وسى ۋاقىتتىڭ ىشىندە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ كورەگەن ساياساتىنىڭ ارقاسىندا ءبىزدىڭ ەلىمىز ەكونوميكاسى قۋاتتى، بىرلىگى مىقتى، بولاشاعى ايقىن ابىرويلى مەملەكەتكە اينالدى.

ودان ءارى ءماجىلىس ءتوراعاسى پرەزيدەنتىمىز نۇرسۇلتان ءابىش ۇلى نازاربايەۆتىڭ تاۋەلسىزدىك العان كۇننەن باستاپ ازيامەن، سونىڭ ىشىندە يسلام ەلدەرىمەن ىنتىماقتاستىققا اسا ءمان بەرىپ كەلە جاتقانىن ايتىپ، سونىڭ ناتيجەسىندە يسلام قاۋىمداستىعى ەلدەرىمەن ايماقتاعى تۇراقتىلىقتى، قاۋىپسىزدىكتى نىعايتۋ، ءبىلىم، عىلىم جانە يسلام مادەنيەتىن دامىتۋ باعىتىندا جەتكەن جەتىستىكتەردىڭ كوپ ەكەنىن، سونىڭ ىشىندە، ءدىنارالىق جانە ۇلتارالىق تاتۋلىقتىڭ «قازاقستاندىق مودەلى» قالىپتاسۋى  الەم ەلدەرىنە ۇلگى بولىپ وتىرعانىنا توقتالدى.

ءوز سوزىندە:-قازاقستانىمىز ءارقاشاندا الەمدىك ينتەگراسيا يدەياسىن قولداپ، كوپتەگەن حالىقارالىق ۇيىمداردىڭ بەلسەندى جانە بەدەلدى مۇشەسى اتاندى. ونىڭ ناقتى دالەلى مەملەكەتىمىزدىڭ بىرىككەن ۇلتتار ۇيىمى قاۋىپسىزدىك كەڭەسىنىڭ 2017ء-شى – 2018ء-شى جىلدارعا ارنالعان تۇراقتى ەمەس مۇشەسى بولىپ سايلانۋى. وسىنىڭ بارلىعى، الەم ەلدەرىنىڭ قازاقستانعا دەگەن سەنىمى وتە جوعارى بولۋىنىڭ جارقىن كورسەتكىشى،-دەپ اتاپ ءوتتى ن. نىعماتۋلين. 

فورۋم جۇمىسىنا يسەسكو-ىڭ باس ديرەكتورى  ابدۋلازيز وسمان ال-تۋەيدجري ءوزىنىڭ بەينە قۇتتىقتاۋىن جولدادى.

ماڭىزدى فورۋمدى ۇيىمداستىرۋشىلار قازاقستان رەسپۋبليكاسى پارلامەنتى ءماجىلىسى مەن ءبىلىم، عىلىم جانە مادەنيەت ماسەلەلەرى جونىندەگى يسلام ۇيىمى (يسەسكو) جانە يسلام دامۋ بانكى.

ەكى كۇنگە سوزىلاتىن استانا پارلامەنتارالىق فورۋمى نەگىزگى جەتى تاقىرىپتىق سەسسيا اياسىندا وتكىزىلدى.

 العاشقى كۇنى، ءبىلىم، تەحنولوگيا جانە يننوۆاسيا سالاسىنداعى ساياسات بويىنشا تالقىلاۋ ۇسىنىلادى. 

كۇن تارتىبىندە سونداي-اق، جاھاندانۋ اياسىنداعى ءبىلىم مەن عىلىم سالالارىن دامىتۋ ءۇشىن زاڭنامالىق بازا قالىپتاستىرۋ ماسەلەلەرى، ۇلتتىق باعدارلامالار مەن باسىمدىقتاردى ىسكە اسىرۋداعى ۇلتتىق ينستيتۋتتارمەن قارىم-قاتىناس جولدارى مەن ونداعى پارلامەنتاريا ءرولى ماسەلەلەرى قاراستىرىلعان. ناقتى ايتقاندا، وندىرىستىك سەكتوردا عىلىمي تەحنيكالىق ولشەمدەر  تۋرالى سۇراقتار قارالادى.