ەستىمەگەن ەلدە كوپ. «جۇرە بەرسەڭ كورە بەرەسىڭ» دەگەن وسى ەكەن-اۋ. ماۋسىمنىڭ العاشقى جەكسەنبىسىن قانعا بوياعان اقتوبەلىك لاڭكەستەردىڭ ءبىرىنىڭ زاڭسىز ايەلى cوت ارقىلى اسىراۋشىسىنان ايرىلۋىنا بايلانىستى مەملەكەتتەن جاردەماقى الۋ مۇمكىندىگىن يەلەنىپ وتىر.

ءبارىن باسىنان باستاساق. «راتەل» سايتى 10 ماۋسىم كۇنى اقتوبەدەگى انتيتەررورلىق وپەراسيا كەزىندە قازا بولعان لاڭكەس ارمان ايتۋعاننىڭ زاڭسىز نەكەدەگى ايەلى، 28 جاستاعى ايزادا ۇسىكقالييەۆانىڭ ا. ايتۋعاننان تۋعان 8 ايلىق ءاسيا ەسىمدى قىزى بارىن جازادى. ا. ۇسىكقالييەۆا ا. ايتۋعانمەن زاڭدى نەكەدە بولماعانىن، نەكەلەرىن تەك مەشىتتە قيدىرعانىن ايتىپ، سوت ارقىلى ا. ايتۋعاندى سەگىز ايلىق ءسابيدىڭ اكەسى دەپ تانۋ تۋرالى شەشىم شىعارتقان. سول شەشىم نەگىزىندە ەندى ءاسياعا مەملەكەتتەن اسىراۋشىسىنان ايىرىلۋىنا بايلانىستى 23715 تەڭگە كولەمىندەگى ارنايى جاردەماقى تولەنەتىن بولدى. جاردەماقىدان بولەك ا. ايتۋعان مەن ا. ۇسىكقالييەۆانىڭ قىزدارىنا ولتىرىلگەن تەررورشىنىڭ تەگى دە بەرىلمەك.  

ال، ا. ايتۋعاننىڭ زاڭدى ايەلى مەن تۋىستارى سوت بارىسىندا بۇل اتالعان جايتتەردىڭ ءبارىن راستاپ،