ۇكىمەتتىڭ بۇگىنگى وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ جول ءجۇرۋ ەرەجەسىن ۇيرەتۋ جۇمىستارى مەكتەپ قابىرعاسىنان باستالاتىنىن جەتكىزدى. ونىڭ ايتۋىنشا، وسى شارالاردىڭ ارقاسىندا ەلىمىزدەگى جول-كولىك اپاتتارىنىڭ سانىن ازايتۋعا بولادى، دەپ xابارلايدى  Qamshy.kz Baq.kz –كە سىلتەمە جاساپ.

«بۇگىندە بالالاردىڭ جولدا جاراقات الۋ دەڭگەيى ازايماي وتىر. وسىعان بايلانىستى العاشقى اسكەري دايىندىق وقۋ باعدارلاماسىنا، ياعني نۆپ-عا كولىك جۇرگىزۋ، سونىمەن قاتار جول قاۋىپسىزدىگى ەرەجەلەرىن وقىتۋدى ەنگىزەتىن بولامىز. وسىنىڭ ناتيجەسىندە مەكتەپ بىتىرەتىن بالالارعا كولىك جۇرگىزۋ كۋرسىن بىتىرگەنى تۋرالى كۋالىك بەرىلەدى. وسىلايشا، 18 جاسقا كەلگەن بالا كولىك جۇرگىزۋ كۋالىگىن الا الادى»، - دەيدى ە.ساعادييەۆ.

ءمينيستردىڭ ايتۋىنشا، بۇگىندە العاشقى اسكەري دايىندىقتان ساباق بەرەتىن مۇعالىمدەردى قايتا دايارلاۋ كۋرستارىنان وتكىزۋ كوزدەلىپ وتىر. وعان قاجەتتى قاراجات بار. ال وسى سالاداعى جۇمىستى كەلەسى جىلى بىتىندەپ باستاۋ جوسپارلانعان.