رەسپۋبليكا بويىنشا ءبىر تاۋلىكتە سۋعا كەتكەن 5 ەر ادام مەن 3 بالانىڭ ءمايىتى تابىلدى.

بۇل تۋرالى ق ر ءتجم-نىڭ باسپا ءسوز قىزمەتى حابارلادى.

الماتى وبلىسىنىڭ قاراساي اۋدانىنداعى ەڭبەكشى اۋىلىندا 02 وزەنىندە 18 ماۋسىم كۇنى ساعات 15.15-تە سۋعا ءتۇسۋ كەزىندە 14 جاسار بالا باتىپ كەتتى. ق ر تجم الماتى وبلىسى بويىنشا تجد سۋدان-قۇتقارۋ قىزمەتىنىڭ كۇشىمەن (3 ادام مەن 1 تەحنيكا) ساعات 18.38-دە ءمايىت سۋدان شىعارىلدى.

تالدىقورعان قالاسىنىڭ «ءۇيتاس» ساياجاي قاۋىمداستىعىندا كەشە ساعات 13.00-دە 2 جاسار بالا ابايسىزدا ارىققا  قۇلاپ، باتىپ كەتتى. پوليسيا قىزمەتكەرلەرىمەن بالانىڭ ءمايىتى جاعاعا شىعارىلدى.

اقمولا وبلىسىنىڭ اتباسار قالاسىندا، جاباي وزەنىندە 18 ماۋسىم كۇنى ساعات 19.59-دا سۋعا ءتۇسۋ كەزىندە 7 جاسار بالا مەن 55 جاستاعى ەر ادام باتىپ كەتتى. 19 ماۋسىمدا ساعات 02.00-دە جەرگىلىكتى تۇرعىندارمەن مايىتتەر سۋدان شىعارىلدى.

قوستاناي وبلىسىنىڭ قارابالىق اۋدانىنداعى پودگورودكا كەنتى ماڭىندا ءۇي وزەنىندە 17 ماۋسىم كۇنى ساعات 16.00-دە سۋعا شومىلۋ كەزىندە 46 جاستاعى ەر ادام باتىپ كەتتى. ونىڭ ءمايىتىن سۋدان جەرگىلىكتى تۇرعىندار كەلەسى كۇنى ساعات 18.00-دە شىعاردى.

ماڭعىستاۋ وبلىسىنىڭ اقتاۋ قالاسىندا، كاسپيي كولىندە 17 ماۋسىم كۇنى ساعات 19.23-تە سۋعا ءتۇسۋ كەزىندە 19 جاسار جاس جىگىت باتىپ كەتتى. ق ر تجم ماڭعىستاۋ وبلىسى بويىنشا تجد سۋدان-قۇتقارۋ قىزمەتىنىڭ كۇشىمەن (10 ادام مەن 2 تەحنيكا) 8 ماۋسىم كۇنى ساعات 16.40-تا ونىڭ ءمايىتى سۋدان شىعارىلدى.

سولتۇستىك قازاقستان وبلىسىنىڭ ەسىل اۋدانىنداعى پوكروۆكا اۋىلىندا گورباتوە وزەنىندە 18 ماۋسىم كۇنى ساعات 04.15-تە بالىق اۋلاپ جۇرگەن 35 جاستاعى ەر ادام قايىقتان قۇلاپ كەتىپ، سۋعا باتىپ كەتتى. ق ر تجم سولتۇستىك قازاقستان وبلىسى بويىنشا تجد سۋدان-قۇتقارۋ قىزمەتىنىڭ كۇشىمەن (4 ادام مەن 1 تەحنيكا) ساعات 08. 40-تا ەر ادامنىڭ ءمايىتى جاعاعا شىعارىلدى.

سولتۇستىك قازاقستان وبلىسىنىڭ سەرگەيەۆكا قالاسىنداعى ەسىل وزەنىندە 18 ماۋسىم كۇنى ساعات 16.00-دە سۋعا ءتۇسۋ كەزىندە 50 جاستاعى ەر ادام باتىپ كەتتى. ونىڭ مۇردەسى ساعات 16.21-دە شىعارىلدى.