شىمكەنتتە ءبىر وتباسى تىرىدەي ورتكە وراندى. كەيىن بەلگىلى بولعانداي، وتىز جاستاعى وتاعاسى وزىمەن قوسا، ايەلى مەن جەتى جاسار ۇلىن ورتەپ جىبەرگەن. ونىڭ مۇنداي ارەكەتكە بارۋىنا، جانۇياداعى جانجال سەبەپ بولعان دەگەن بولجام بار. وتىز جاستاعى ءۇي يەسى، وتباسىنداعى ۇرىس - كەرىستەن كەيىن، بەنزينمەن ءۇيىن جاعىپ جىبەرگەن. ءقازىر، توتەنشە جاعدايعا تاپ بولعان وتباسى مۇشەلەرى، اۋىر حالدە اۋرۋحانانىڭ جانساقتاۋ بولىمىندە جاتىر.

ونىڭ دەنەسىنىڭ 80 پايىزىن كۇيىك شالعان. ايەلى مەن ۇلىنىڭ ءحالى دە وتە اۋىر. ەسىن جيعان ەنەسىنىڭ دەنەسىنىڭ 22 پايىزى كۇيىپ قالعان،- دەيدى دارىگەرلەر. وعان پسيلوحولوگيالىق كومەك قاجەت. ايتۋلارىنشا، اۋىر كۇيىك شالعان وتباسى مۇشەلەرىنىڭ جاعدايى ازىرگە قيىن. ونىڭ ۇستىنە مۇگەدەك بولىپ قالۋدىڭ دا ءقاۋپى بار ەكەنىن اق حالاتتىلار جاسىرمايدى. وتاعاسىنىڭ ءوز قولىمەن وتباسىن و دۇنيەگە اتتاندىرماق بولۋىنا نە سەبەپ بولعانىن، ءقازىر، قۇزىرلى ورگاندار انىقتاپ جاتىر. دارىگەرلەر وڭىردە ءوزىن - ءوزى ورتەۋ وقيعالارى كوبەيگەنىن ايتادى. وتكەن اپتادا 30 جاستاعى ازامات ءوزىن ء-وزى ورتەپ، كوز جۇمعان بولاتىن.

"31" تەلەارنا