ب ا ق بەتتەرىندە ءجيى سىنعا ۇشىرايتىن مادەنيەت جانە سپورت ءمينيسترى ارىستانبەك مۇحامەديۇلىنا قاتىستى كەشەلى بەرى تاعى ءبىر شۋ شىقتى. كەزىندە مۇحامەدي ۇلى رەكتورلىق جاساعان الماتىداعى ت. جۇرگەنوۆ اتىنداعى ونەر اكادەمياسىنىڭ تۇلەگى ەڭلىك سىدىقوۆا ءمينيستردى ستۋدەنت «قىزدارعا قىرىنداپ، مادەنيەتسىزدىك تانىتاتىن» دەپ ايىپتادى. ماسەلەنىڭ ءمان-جايىن بىلمەك بولىپ Qamshy.kz ءتىلشىسى ءمينيستردىڭ وزىنە تەلەفون شالدى.
ارىستانبەك مۇحامەدي ۇلى ە. سىدىقوۆانىڭ بۇگىنگى مالىمدەمەسى تەگىننەن-تەگىن جاسالىپ وتىرماعانىن، ونىڭ ارتىندا قارجىلىق ماسەلەلەرگە تاپ بولعان رەجيسسەرلار توبى تۇرعانىن ايتادى.
«فەنيكس» ءفيلمى توڭىرەگىندە داۋ بولىپ جاتىر. رەسەيدەن كومپانيا اشتىق اقشانى سوندا اۋدارىڭدار دەدى. ول كومپانيانىڭ امەريكاندىق كينوستۋديانىڭ فيليالى دەپ ايتتى. تەكسەرگەندە ول كومپانيانىڭ امەريكاندىقتارعا ەش قاتىسى جوقتىعى انىقتالدى. تۇسىرگەن ءفيلمنىڭ دە تيزەرىن كورسەڭىزدەر وزدەرىڭىز دە بايقايسىزدار، ءفيلمنىڭ ساپاسى سىن كوتەرمەيدى. انا كينو، مىنا كينودان قيىپ الىپ، قوسا سالعان. ال، ءفيلمنىڭ بيۋدجەتى قىرۋار قارجىنى قۇرادى. ءبىر تيزەرى ءۇشىن 6 ميلليون تەڭگە جۇمسالدى»، - دەگەن مينيستر رەجيسسەر تالعات جانىبەكوۆتىڭ فيلم ءۇشىن بولىنگەن 100 ميلليون تەڭگەنىڭ ەسەبىن دە تولىق وتكىزبەگەنىن ايتادى.
ءمينيستردىڭ ايتۋىنشا، ءفيلمنىڭ تيزەرىنە 6 ميلليون تەڭگە، كومپيۋتەرلىك گرافيكاسىنا 14 ميلليون تەڭگە جۇمسالعان. كاستينگ ۇيىمداستىرۋ شىعىنى 33 مىڭ اقش دوللارىن قۇراعان. كارتينا باسشىلىعى 30 ميلليون تەڭگەنى وزدەرىنىڭ ەڭبەكاقىسى رەتىندە العان كورىنەدى. ميلليونداعان تەڭگە قاراجات جالعان قۇجاتتارمەن قولدى بوپ كەتكەن. وسى جايتتارعا بايلانىستى مينيسترلىك ءقازىر جوبانىڭ شىعىندارىن، قۇجاتتارىن تەكسەرىپ جاتقان كورىنەدى. تەكسەرىس ناتيجەسى بويىنشا، زاڭسىز قۇجاتتارعا قول قويعان لاۋازىمدى تۇلعالار دا جاۋاپقا تارتىلماق ەكەن.
مۇحامەدي ۇلىنىڭ پايىمداۋىنشا، مينيسترلىكتىڭ وسى ءىسى جاندارىنا باتقان رەجيسسەرلار وسىنداي شابۋىلدارعا بارىپ جاتقان كورىنەدى. ال، قىزدارعا قاتىستى ايىپتاۋلاردىڭ تازا جالا ەكەنىن ايتقان مينيستر رەجيسسەرلەر قوعامنىڭ نازارىن وزدەرىنە اۋدارىپ، سىنايتىن باسقا ىلىك تاپپاعان سوڭ وسىنداي ارەكەتتەرگە بارىپ وتىر دەپ سانايدى.
«انا بەينەمالىمدەمە جاساعان قىز ونداي ارەكەتكە بارماس ءۇشىن ويلانۋى كەرەك ەدى. بۇل دەگەن جالا جابۋ عوي. ەشقانداي دالەلسىز قالاي ونداي ايىپ تاعادى؟»، - دەگەن ا. مۇحامەدي ۇلى ە. سىدىقوۆانىڭ ءوزى-اق ارتىندا كىمدەر تۇرعانىن اشىپ قويدى دەپ وتىر.
«مەنىڭ بار جازىعىم – كينو سالاسىنداعى ۇرلىقتى، زاڭسىزدىقتاردى توقتاتقانىم. سول قىلىعىم ءۇشىن وسىنداي شابۋىلعا ۇشىراپ جاتىرمىن. تۇڭعىشباي اعامىز دا ماعان كىنا ارتىپ سويلەپتى. مەن ونىڭ باسقاراتىن تەاتر قايراتكەرلەرى وداعىنىڭ ىشكى ىسىنە ارالاسىپپىن. ول مۇمكىن ەمەس جاعداي عوي. مەن قالايشا ءاسانالى اشىموۆكە سەن بىلاي ىستە، تۇڭعىشباي اعاعا قارسى شىق دەپ قالاي ايتا الامىن؟ مەن ءادىل سىننىڭ ءبارىن قابىلدايمىن. كەز-كەلگەن جۋرناليست تىكەلەي وزىمە قوڭىراۋ شالىپ، كەز-كەلگەن سۇراق قويا الادى. ت. جانىبەكوۆ پارا سۇرادى دەپ مالىمدەدى. ارتىنشا سوتتا ول سوزىنەن باس تارتتى. "مەن ولاي دەمەدىم. جۋرناليستەر قوسىپ جىبەرىپتى" دەدى. مۇنداي بولا ما؟»، - دەيدى مينيستر.
