نازىك جاندىلارعا سىيلىقتىڭ ءتۇر-تۇرىن الۋعا بولادى. ەڭ وڭايى گۇل دەسەك، ودان ارى ءاتىر، ءتاتتى شوكولاد،  مويىن وراعىش، جۇمساق ويىنشىق، ءتۇرلى كوسمەتيكا مەن اشەكەي بۇيىمدار.  تاڭداۋ وتە كوپ، باستىسى سۇيىكتىڭىزدىڭ تالعامىنا ساي كەلەتىن سىيلىق بولسا بولعانى. ال، ەر ادامدارعا سىيلىق سىيلاۋعا قىزدار قاۋىمى قاتتى قينالىپ جاتادى. باستى پروبلەما ونىڭ تالعامىن تابۋدان بۇرىن، قانداي سىيلىق  سىيلاۋدا بولىپ جاتادى. سونىمەن بۇگىن ءبىز ەرلەرگە سىيلاۋعا بولاتىن سىيلىقتاردىڭ بىرنەشەۋىنىڭ ءتىزىمىن جازىپ شىقتىق.  

مۋلتيتۋل ەشقاشان ەر ادامعا ارتىق بولمايتىن سىيلىق. ءبىر سىيلىقتا بىرنەشە زات: پىشاق، بۇراۋىش، قىسقىش، ىسكەك، اشقىش جانە بۇراندا.

سەرتيفيكات ىڭعايلى جانە باس قاتىرمايتىن سىيلىق. ەگەر ءسىزدىڭ ەرىڭىز قانداي سىيلىق قالايتىنىن بىلمەسەڭىز، سەرتيفيكات سىيلاڭىز. قالاعانىن ءوزىنىڭ تاڭداپ الۋىنا مۇمكىندىك بولادى.

ديسك نەمەسە  شار.  سىيلىق رەتىندە بەرىلە بەرمەيتىن ەرەكشە نارسەلەردىڭ ءبىرى. ەڭ باستىسى ول سىيلىقتىڭ شىنايى كوڭىلمەن، ءازىل رەتىندە سىيلانعان سىيلىق ەكەنىن ءبىلدىرۋدىڭ ۇمىتپاڭىز.

قولعا ارنالعان جاتتىقتىرۋ قۇرالى (Powerball) –  كومپىيۋتەردىڭ الدىندا بار ۋاقىتىن وتكىزەتىن بولماسا ءوزىنىڭ مۇسىنىنە قاتتى كوڭىل بولەتىن جانداردى قۋانتادى. بۇل ەرەكشە زات فيزيكالىق جاتتىعۋ مەن سەرگەك كوڭىل كۇيدى ءبىر ارناعا توعىستىراتىن سىيلىق.

  فۋنكسيونالدى اشەكەي ىلگەك كۇندەلىكتى تۇرمىستا قاجەتتى نارسە. ەڭ باستىسى سىيلىقتى الىپ وتىرعان ادام ونداي اشكەيلەردى كىلتكە بولماسا باسقا دا زاتتارعا تاعا ما سونى انىقتاپ الۋ قاجەت. 

ۇيقىنى جاقسى كورەتىن جاندار ءۇشىن نىساناعا اتۋ ساعاتىن سىيعا تارتساڭىز بولادى. وياتار ويناعاندا، توقتاتۋ ءۇشىن نىساناعا پۋلت تۇرىندەگى تاپانشا ارقىلى وقتى ءدوپ تيگىزسە عانا وياتار ويناعانىن قويادى.

ديسكو-جيناق كوڭىلدى كەشتەر مەن كلۋبتاردى جاقسى كورەتىن جاندى قاتتى قۋانتارى ءسوزسىز.  جاقسى كورەتىن اندەرىن تىڭداعاندا، ءسىزدى ەسىنە الىپ، نوستالگيا سەزىمىن باستان كەشۋى ءسوزسىز.

اۆتوكولىگى بار بولسا جىگىتكە تەرموكرۋجكا سىيلاساڭىز بولادى. كرۋجكاداعى ىستىق ءشاي مەن كوفە ۇنەمى ءسىزدى ەسىنە العىزىپ تۇرادى.

سىرانى جاقسى كورەتىندەر ءۇشىن كىشكەنتاي عانا سىرا قايناتقىش سىيلاساڭىز بولادى. شاعىن عانا ورناتۋ جۇمىسى مەن سىرانىڭ قۇرامىنا كەرەك قوسپالار بولسا، ءۇي جاعدايىندا-اق سۇيگەن سۋسىنىن جاساپ ىشۋىنە بولادى.