مانكەنت قالاسىندا (وڭتۇستىك قازاقستان وبلىسى) قازاق ءتىلى ساباعى كەزىندە وڭباي تاياق جەگەن بەسىنشى سىنىپ وقۋشىسى ابيدين ىرىستايەۆ باس-مي سۇيەگى جاراقاتىن الىپ اۋرۋحاناعا ءتۇستى. توتەنشە جاعداي № 64 مەكتەپتە ءساۋىر ايىندا بولعان. ايتسەدە ول تۋرالى ەندى عانا بەلگىلى بولىپ وتىر. بۇل تۋرالى Qamshy.kz Stan.kz-كە سىلتەمە جاساپ حابارلايدى.

بالانىڭ اكەسىنىڭ ايتۋىنشا ءمۇعالىم بالانىڭ باسىن پارتاعا ۇرعان. “21 ءساۋىر كۇنى كەشكىسىن جۇمىستان كەلگەن كەزدە ۇلىمنىڭ بىرنەشە رەت ەسىنەن تانىپ قالعانىن ءبىلدىم. ءبىز سوسىن ورتالىق اۋداندىق اۋرۋحاناعا قارالدىق. ونى باس-مي سۇيەگىنەن جاراقات العان دەپ جانساقتاۋ بولىمىنە جاتقىزىپ، وندا ءۇش كۇن بولدى. الايدا ونى وسىدان سوڭ گايموريت دەگەن دياگنوزبەن جۇقپالى اۋرۋلار بولىمىنە جاتقىزدى”، – دەيدى شەرالى زۋندينوۆ.

اكەسىنىڭ سوزىنشە، جارتى جىل وتكەن سوڭ ونىڭ ۇلىنىڭ كورۋ قابىلەتى دە ناشارلاي باستاعان. ال مۇنى جونگە كەلتىرۋ ءۇشىن وعان قىمبات وپەراسيا جاسالۋ كەرەك ەكەن. اشۋعا مىنگەن اكە بىردەن پوليسيا مەن اۋداندىق ءبىلىم بولىمىنە ارىز ازعان. الايدا نە مەكتەپ اكىمشىلىگى، نە قامقورشىلىق ورگاندارى ەشقانداي شارا قابىلداماپتى.

“سول كۇنى  ديكتانت جازۋ كەرەك بولدى. مەن ۇلگەرمەي قالدىم. ال ءمۇعالىم مەنى ەكى رەت باسىمدى پارتاعا ۇردى. قاتتى اۋىردى. سوسىن قاسىما سىنىپتاسىمدى ەرتىپ ۇيگە جىبەردى. جولدا مەن بىرنەشە رەت ەسىمنەن تانىپ قالدىم”، – دەيدى وقۋشىنىڭ ءوزى.

تەلەارنانىڭ مالىمەتىنشە، ءقازىر بالانىڭ قۇقىعى ءۇشىن پروكۋرور ەركەن اعابەكوۆ كۇرەسىپ جاتىر. “نۇر وتاننىڭ” قوعامدىق قابىلداۋىزارداپ شەگۋشىنىڭ اكەسىنە تاعى ءبىر ءوتىنىش جازىپ بەرۋىن جانە شارا قابىلدايتىندىعىنا ۋادە بەرگەن.