اۋىلشارۋاشىلىق ونىمدەرىنىڭ كولەمىن ۇلعايتۋدى، ەكسپورتقا شىعارۋدى قامتاماسىز ەتۋدە ۇساق تاۋار وندىرۋشىلەردىڭ ماسەلەلەرىن كەشەندى شەشۋ ءۇشىن، قازاقستان رەسپۋبليكاسى «اۋىل شارۋاشىلىعى كووپەراتيۆتەرى تۋرالى» زاڭىنا سايكەس، وبلىستا كووپەراتيۆتەردى قۇرۋ بەلسەندى جۇرگىزىلۋدە.
وقو اكىمى بەيبىت اتامقۇلوۆ ءبىر سوزىندە :«وبلىس تۇرعىندارىنىڭ 55%-ى اۋىلدىق جەرلەردە تۇراتىندىقتان جانە اۋىل شارۋاشىلىعىندا جۇمىسپەن قامتىلىپ وتىرعاندىقتان، وسى سالانىڭ تيiمدiلiگiن ارتتىرۋ ءوڭiردiڭ الەۋمەتتiك-ەكونوميكالىق دامۋىنىڭ نەگiزگi فاكتورى بولىپ تابىلادى. وسىعان بايلانىستى، اگروونەركاسiپ كەشەنi سالاسىنداعى ستراتەگيالارعا توقتالىپ وتسەم. بiرiنشi باعىت – سۋارمالى جەرلەردiڭ جاعدايىن جاقسارتىپ، جاڭا سۋارمالى جەرلەردi اينالىمعا قوسۋ. ەكiنشi باعىت – فەرمەرلەرگە تومەن پايىزبەن بەرiلەتiن نەسيەلەردiڭ كولەمiن ارتتىرۋ. ءۇشiنشi باعىت – ءاربiر اۋىلدىق وكرۋگتە ارنايى كووپەراتيۆتەر قۇرىلىپ، وندا ماشينا-تراكتور ستانسالارى اشىلادى. ءتورتiنشi باعىت – اۋىل شارۋاشىلىق سالاسىنا عىلىمنىڭ جەتiستiكتەرiن مەيلiنشە ەنگiزۋ. ياعني، ءاربiر اۋداندا سول اۋداننىڭ ەرەكشەلiكتەرi ەسكەرiلە وتىرىپ، كاسiپكەرلiك مەكتەپتەرiنiڭ بازاسىندا شارۋالارعا عىلىمي- كونسۋلتاسيالىق قىزمەت كورسەتەتiن ورتالىقتار اشىلماق»، - دەپ اتاپ وتكەن بولاتىن. وسى ورايدا بۇگىنگى كۇنگە وڭتۇستىك قازاقستان وبلىسىندا 8 مىڭنان اسا ۇساق فەرمەرلىك شارۋاشىلىقتار 81 اۋىل شارۋاشىلىق وندىرىستىك كووپەراتيۆتەرگە بىرىگىپ، جۇمىس اتقارۋدا. ولار دامۋ باعىتتارى بويىنشا 19 بىرلىك ماقتا شارۋاشىلىعى، 30 بىرلىك استىق، 4 بىرلىك ءسۇت ءوندىرىسى، 13 بىرلىك ءىرى جانە ۇساق مال شارۋاشىلىعى، 3 تۇيە شارۋاشىلىعى، 3 جۇگەرى ءوسىرۋ، 4 جىلىجاي، 5 تاعى باسقا شارۋاشىلىقتاردان قۇرالىپ وتىر.
سونىمەن قاتار، بيىلعى جىلى وبلىستا 14 ماشينا-تراكتورلىق ستانسياسى قۇرىلعان. اۋىلشارۋاشىلىعى سالاسىندا تاپتىرماس قۇرال ماشينا-تراكتورلاردى شىعارىپ وتىرعان ستانسيالاردىڭ قۇرىلۋى ەلباسى ن.نازاربايەۆتىڭ تىكەلەي تاپسىرماسىمەن ىسكە اسىپ جاتقان ۇدەمەلى يندۋستريالدى-يننوۆاسيالىق دامۋ مەملەكەتتىك باعدارلماسى اياسىندا مۇمكىن بولىپ وتىرعاندىعىن ايتا كەتەيىك. ماشينا-تراكتور ستانسيالارى قۇرامىندا 108 دوڭعالاقتى تراكتورلار، 7 شىنجىر تاباندى تراكتورلار، 28 استىق وراتىن،9 جەم-شوپ وراتىن، 4 جۇگەرى وراتىن كومبايندار مەن 186 باسقا تەحنيكالار بار.
