شۇبار اۋىل وكرۋگىندە 2010 جىلى ىسكە قوسىلعان "شۇبار اسىل تۇقىمدى كەشەنى" ج ش س شوشقا ءوسىرىپ، بورداقىلاۋمەن اينالىسادى. بۇل جوبانىڭ جالپى قۇنى 141 ملن. تەڭگەنى قۇرايدى، قارجى كوزى - ۇق "وڭتۇستىك اكك" اكسيونەرلىك قوعامى،-دەپ حابارلايدى ورداباسى اۋدانى اكىمىنىڭ باسپا ءسوز قىزمەتى.

بۇل كەشەندە 35 ادام تۇراقتى جۇمىسپەن قامتىلعان. 

كەشەندە بۇگىندە 5000 شوشقا بار. 

"بيزنەستىڭ جول كارتاسى 2020" مەملەكەتتىك باعدارلاماسى اياسىندا ينۆەستيسيالىق قۇنى 70،0 ملن. تەڭگەگە مال سويۋ سەحى ىسكە قوسىلدى. قۋاتتىلىعى - تاۋلىگىنە 5000 تن.

سەرىكتەستىك ءتوراعاسى س.ۆالييەۆتىڭ مالىمدەۋىنشە بۇل كەشەن ايىنا 30 توننا ەت شىعارادى. مۇندا ەتتى تەكسەرەتىن ارنايى زەرتحانا دا جاساقتالعان.

اۋدان ەكونوميكاسىنىڭ نەگىزگى سالالارىنىڭ ءبىرى – اۋىل شارۋاشىلىعى.  2015 جىلدىڭ بەس ايىندا اۋىل شارۋاشىلىق سالاسىندا 6 ملرد 353 ملن. 900 مىڭ تەڭگەنىڭ ءونىمى ءوندىرىلىپ، ناقتى كولەم يندەكسى 111،2 پايىزدى قۇرادى. ونىڭ ىشىندە مال شارۋاشىلىعىنىڭ ءوندىرىسى 5 ملرد 691 ملن. 800 مىڭ تەڭگە، ناقتى كولەم يندەكسى 112،2 پايىز، ال ەگىن شارۋاشىلىعى بويىنشا 662 ملن. 100 مىڭ تەڭگەنىڭ ءونىمى ءوندىرىلىپ، ناقتى كولەم يندەكسى 100 پايىزدى قۇرادى.

ورداباسى اۋدانى قاي جاعىنان السا دا اۋىل شارۋاشىلىعىن ورىستەتىپ كەلەدى. بۇكىل وبلىستىڭ ەكونوميكاسىن ىلگەرىلەتۋگە تيگىزەر اسەرى كوپ. ءتىپتى ارنايى زەرتحانا جاسالۋىنىڭ ءوزى اۋداندا مال شارۋاشىلىعىنا ۇلكەن كوڭىل ءبولىنىپ كەلە جاتقانىن بىلدىرسە كەرەك. مۇنىڭ بارلىعى ءتۇپتىڭ تۇبىندە اتا كاسىپتى دامىتۋدا ۇلكەن ماقساتتار قويىلعانىن كورسەتسە كەرەك.