وڭتۇستىك قازاقستان وبلىسىندا اۋىل شارۋاشىلىعى داقىلدارىنىڭ جيىن تەرىم ناۋقانى جۇرزىلۋدە،- دەپ حابارلايدى وقو اكىمدىگىنىڭ باسپا ءسوز قىزمەتى.

بۇگىندە وبلىستا كوكونىس، كارتوپ، باقشا داقىلدارىنىڭ جيىنى باستالدى. قازىرگى تاڭدا ديقاندار 350 مىڭ توننا كوكونىس، 120 مىڭ توننا كارتوپ، 240 مىڭ توننا باقشا ونىمدەرىن جينادى. ولار وزدەرىنىڭ ونىمدەرىمەن ەلىمىزدىڭ بارلىق وڭىرلەرىن قامتىپ، ارتىق ونىمدەردى رەسەي مەملەكەتى مەن سولتۇستىك وبلىستارعا جونەلتۋدە.

اگرارلى ايماقتا وسى جىلى كوكونىس پەن كارتوپ داقىلدارى جالپى 52،3 مىڭ گەكتارعا، ال باقشا ءونىمى 59،1 مىڭ گەكتار جەرگە ەگىلگەن.

جوسپار بويىنشا جىل سوڭىنا دەيىن 890 مىڭ توننا كوكونىس، 1،4 ملن. توننا باقشا، 256 مىڭ توننا كارتوپ جينالادى دەپ كۇتىلۋدە.

ەكونوميكامىز اۋىل شارۋاشىلىعىنا بەيىمدەلگەن وڭىردە اۋىل شارۋاشىلىعى داقىلاردىن ءارتاراپتاندىرىپ، ەگىس، سۋارمالى جەرلەردىڭ كولەمىن ۇلعايتۋ، ءونىم كولەمىن ارتتىرۋ ماقساتىندا ءبىرقاتار جۇمىستار اتقارىلۋدا. اۋىل شارۋاشىلىعىن دامىتۋ، ءوڭىردىڭ ساپاسىن كوركەيتىپ، ونىمدەردى كوركەيتۋ باستى ماقسات ەكەنىن دە ايتا كەتكەن ءجون. بيىلعى جىل مولشىلىق جىلى بولدى.

وبلىستان نەگىزىنەن ەكسپورتقا: كارتوپ، كوكونىس، باقشا، بيداي، ۇن، بالىق جانە بالىق ونىمدەرى، وسىمدىك مايى، قۇس ەتى جانە ماقتا تالشىقتارى شىعارىلاتىنى بارشاعا ايان.