سوڭعى ۋاقىتتاعى ەلىمىزدەگى جانە الەمدەگى قوعامدىق-ساياسي  جايتتار ۇلتتىق جانە  مەملەكەتتىك تانىم تۇرعىسىنان باعا بەرۋدى، ءتۇسىندىرۋدى قاجەت ەتەدى. ماسەلەن، الداعى ۋاقىتتا رەسمي تۇردە قۇرىلاتىن ەۋرازيالىق وداق، قازاقستاننىڭ دسۇ-نا كىرۋ-كىرمەۋى، ەلىمىزدىڭ اقپاراتتىق كەڭىستىگىندەگى قىسىمدار، رەسەي ۇلتشىلدارىنىڭ قازاقستانعا قايتا- قايتا شۇيلىگۋى ت.ب. ماسەلەلەر كوپ. وسى جانە وزگە دە ماسەلەلەردى وزەك ەتە وتىرىپ،  "قامشى" پورتالىنىڭ ينتەرنەت-كونفەرەنسياسىنا بەلگىلى ساياساتتانۋشى راسۋل جۇمالىنى شاقىرىپ وتىرمىز. 

 راسۋل بەرەكەت ۇلى جۇمالى  1971 جىلى 15 اقپاندا الماتى قالاسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتىنىڭ شىعىستانۋ فاكۋلتەتىن بىتىرگەن. 1992-2007 جىلدار ارالىعىندا مەملەكەتتىك قىزمەتتە: قازاقستان رەسپۋبليكاسىنىڭ سىرتقى ىستەر مينيسترلىگىندە جانە ۇكىمەتىندە، سونداي-اق مىسىر، بىرىككەن اراب امىرلىكتەرى، يزرايل، ليۆيا، ءبىرقاتار باسقا مەملەكەتتەردە جۇمىس اتقارعان. 2007 جىلدان بەرى «ەكسكليۋزيۆ» جۋرنالىنىڭ باس رەداكتورى. 150-گە تارتا ماقالالارى مەن ساراپتامالىق ەڭبەكتەرى جارىق كوردى. «گەوپوليتيكا سەنترالنوي ازيي. و بىلوم ي ناسۋششنوم» اتتى كىتاپتىڭ اۆتورى.

قۇرمەتتى،  وقىرمان! راسۋل جۇمالى مىرزاعا قويار سۇراق، ايتار ۇسىنىستارىڭىز بولسا، مارحابات!