قازاقستاندا جۇڭگو ازاماتتارىنا شارۋاشىلىققا پايدالانىلاتىن جەردى جالعا بەردى، دەپ حابارلادى ق ر پرەمەرء-مينيسترىنىڭ ورىنباسارى باقىتجان ساعىنتايەۆ. "جەر تەلىمدەرى تەك جۇڭگو ازاماتتارىنا عانا ەمەس، رەسەي مەن باسقا شەتەل ازاماتتارىنا بەرىلدى" دەدى ساعىنتايەۆ ق ر پرەزيدەنتى جانىنداعى ورتالىق كوممۋنيكاسيا قىزمەتىنىڭ بريفينگىندە.
كازتاگ اقپاراتىنا سۇيەنسەك، ساعىنتايەۆ مىرزا ق ر جەر تەلىمدەرى كودەكسىنە ساي شەتەلدىك ازاماتتار مەن شەتەلدىك كومپانيالارعا جالعا جەر بەرۋ شەكتەلمەيتىندىگىن ايتتى. "ءبىز جەكەمەنشىكتى ساتىپ وتىرعان جوقپىز. جەر تەلىمدەرى كودەكسىندە ناقتى كورسەتىلگەندەي، ون جىلعا عانا جالعا جەر بەرىلەدى. مىناداي مىسالدار كەلتىرۋگە بولادى: شقو جانە اقمولا وبلىستارىندا ءدال اۋىل شارۋاشىلىعىنا ارنايى جەر تەلىمدەرى بولىنگەن بولاتىن. ءبىز ول جەرلەردىڭ كىمگە جانە قانشا جىلعا جانە قانشا گەكتار ەكەنىن بىلەمىز" دەدى ۇكىمەت باسشىسىنىڭ ورىنباسارى. جەر بەرىلگەنى تۋرالى اشىق ايتسا دا، ونىڭ كىمگە جانە قانشا جەر بەرىلگەنىن جۇمباق كۇيىندە قالدىردى.
