سوزاق اۋدانىنىڭ اۋىل شارۋاشىلىعى سالاسىن ءسوز ەتكەندە اسىرەسە، وسى سالانى دامىتۋعا مەملەكەت تاراپىنان بەرىلىپ جاتقان نەسيەدەن باستاعان ءجون سەكىلدى. سەبەبى مۇندا ميكرونەسيەلىك ۇيىمدار ارقىلى كاسىپكەرلەرگە تومەنگى پايىزدى قارىزدار بەرىلۋدە. ۇدەمەلى يندۋستريالدى-يننوۆاسيالىق دامۋ باعدارلاماسىنىڭ سالالىق جوباسى «جۇمىسپەن قامتۋ - 2020» باعدالاماسىنىڭ ەكىنشى باعىتىنا قىزىعۋشىلار قاتارى ارتقان. ماماندار «جۇمىسپەن قامتۋ-2020 جول كارتاسى» باعدارلاماسى اياسىندا نەسيە العىسى كەلگەندەردىڭ باسىم بولىگى مال شارۋاشىلىمەن اينالىسۋدى قالايتىندار دەيدى. سونىڭ ءبىرى سوزاق اۋدانىنىڭ تۇرعىنى جەكە كاسىپكەر قايرات اشيموۆ. ول ءوز ءىسىن كەڭەيتۋ ماقساتىندا (ءىرى قارا مال، سيىر باعۋ، ەت وڭدەۋگە) نەسيە الۋ ءۇشىن اۋدانداعى جۇمىسپەن قامتۋ ورتالىعىنا قۇجاتتار تاپسىرعان. ەكىنشى باعىتقا جاۋاپتى مامان قۇجاتتارىن قابىلداپ، نەسيە الۋ ءۇشىن “اۋىلشارۋاشىلىعىن قارجىلاي قولداۋ” اق قورىنا جولداما بەرگەن. كايرات رامازان ۇلى “اۋىلشارۋاشىلىعىن قارجىلاي قولداۋ قورى” اق – نان 2016 جىلى ءساۋىر ايىندا ەكى ميلليون تەڭگە نەسيە الدى. باعدارلاما بويىنشا العان نەسيە اۋىلداعى كاسىپكەرلەرگە ۇلكەن كومەك بەرەتىندىگىنە ريزاشىلىعىن ايتادى.«باعدارلاماعا قاتىسقانىم ءۇشىن شەكسىز ريزامىن. سونىڭ ارقاسىندا جەكە شارۋاشىلىعىمدى دامىتىپ، جوعارى تابىسقا قول جەتكىزۋدى ماقسات ەتىپ وتىرمىن»،- كاسىپكەر.
وقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارما باسشىسىنىڭ ورىنباسارى ءساتجان پولاتوۆتىڭ مالىمەتىنشە وبلىستا بيىل «جۇمىسپەن قامتۋ - 2020» باعدارلاماسى اياسىندا 50 مىڭعا جۋىق ادامدى قامتۋ جوسپارلانعان. «باعدارلاما شەڭبەرىندە ءبىلىم بارلاردى، ءبىلىمى جوقتاردى قايتا دايارلاۋدان وتكىزىپ، سونىمەن قاتار جۇمىس ىزدەۋشىلەردى شاعىن نەسيەلەر ارقىلى جۇمىسپەن قامتۋعا مۇمكىندىك بار»،- دەيدى ول.
ايتا كەتەيىك، «جۇمىسپەن قامتۋ 2020 جول كارتاسى» باعدارلاماسىنىڭ باستى ماقساتى تۇراقتى، ناتيجەلى جۇمىسپەن قامتۋ، حالىقتىڭ ءال-اۋقاتىن كوتەرۋ جانە كەدەيشىلىكپەن كۇرەسۋ، مەملەكەتتىك قولداۋ شارالارىن كورسەتۋ بولىپ تابىلادى. ال باعدارلامانىڭ ەكىنشى باعىتىنىڭ سيپاتى : اۋىلداعى كاسىپكەرلىكتىڭ دامۋىنا كومەك كورسەتۋ. كاسىپكەرلىكتى ىنتالاندىرۋ ازاماتتاردىڭ جەكە ءىسىن ۇيىمداستىرۋ نەمەسە كەڭەيتۋ ارقىلى ولاردىڭ ەكونوميكالىق بەلسەندىگىن ارتتىرۋعا باعىتتالعان.
