ازىق-تۇلىك قاۋىپسىزدىگىن قامتاماسىز ەتۋ جانە اۋىل شارۋاشىلىعى ونىمدەرىنىڭ ساپاسىن كولەمى مەن ەڭبەك ونىمدىلىگىن ارتتىرۋدىڭ نەگىزگى جولدارىنىڭ ءبىرى جاڭا اۋىل شارۋاشىلىعى تەحنيكالارى مەن وندىرىسكە ينتەنسيۆتى تەحنولوگيالاردى ەندىرۋ.
سالانى مەملەكەتتىك قولداۋ مەن جەڭىلدەتىلگەن كرەديتتىك/ليزينگتىك باعدارلامالاردى ىسكە اسىرۋدىڭ ارقاسىندا اۋىل شارۋاشىلىعى تاۋار وندىرۋشىلەرى جاڭا اۋىل شاپۋاشىلىعى تەحنيكالارى، قۇرال جابدىقتار مەن قوندىرعىلارمەن قامتاماسىز ەتىلۋدە. 2009 – 2015 ج.ج. ارالىعىنىڭ وزىندە وڭىرىمىزگە 3،5 مىڭنان استام جاڭا اۋىل شارۋاشىلىعى تەحنيكالارى ساتىپ الىندى.
ونىڭ ىشىندە شارۋاشىلىقتار ونىمدىلىگى جوعارى «دجون دير»، «چەلەندجەر»، «سامپو ليەۆ»، «ۆەكتور» كومبايندارىنا قىزىعۋشىلىقتارى ارتۋدا.
سونىمەن قاتار، وڭىرىمىزدە «KAZ KIOTI» ءجشس-نىڭ كورەيا كومپانيالارىمەن بىرلەسكەن «Daedong» ماركالى اۋىل شارۋاشىلىعى تەحنيكالارىن شىعارۋ» زاۋىتى ىسكە قوسىلدى. زاۋىتتا جىلىنا 1500 بىرلىككە دەيىن تراكتور شىعارىلادى. 2017 ج. ونىمدەردى كەدەن وداعى شىعارۋ جوسپارلانۋدا.
سوڭعى بەس جىلدىڭ ىشىندە تامشىلاتىپ سۋعارۋ ءادىسىن ەندىرۋ مەن جىلىجايلاردىڭ ەگىس القاپتارى جانە جەمىس-كوكونىس ساقتاۋ قويمالاردىڭ كولەمى ۇلعايۋدا.
اتاپ ايتار بولساق 2009 ج. وبلىسىمىزدا تامشىلاتىپ ساۋعارۋ ءادىسى 2،1 مىڭ گا. ەندىرىلگەن بولسا، اعىمداعى جىلدىڭ وتكەن 8 ايىنا تامشىلاتىپ سۋعارۋ ءادىسى ەندىرىلگەن القاپتىڭ جالپى كولەمى 50،4 مىڭ گا. جەتتى (رەسپۋبليكالىق كورسەتكىشتىڭ 73 %).
