يراندىق ايەلدەر عالامتورعا حيدجاپسىز تۇسكەن فوتولارىن جاريالاي باستادى. يران رەسپۋبليكاسىنىڭ زاڭى بويىنشا، ايەل ادامدارعا كوشەگە جالاڭباس شىعۋعا تىيىم سالىنعان. سوندىقتان، ايەلدەرگە حيدجاپسىز سۇرەتكە ءتۇسۋ ازىرگە تەك جاسىرىن قۇبىلىس قانا بولىپ وتىر.
"جاسىرىن" (اعىلشىنشا - stealthy) دەپ اتالاتىن فەيسبۋك پاراقشاسىندا ايەلدەر ورامالسىز سۋرەتتەرىن جاريالاعان. نەبارى 10 كۇن ىشىندە بۇل پاراقشاعا 150 يراندىق قىز-كەلىنشەكتەردىڭ ورامالسىز سۋرەتتەرى سالىنىپ، 148 مىڭ "ۇنايتىن" پىكىر العان.الايدا، سۋرەتتەردىڭ كوپشىلىگى تابيعاتتا، اۆتوموبيل سالونىندا جانە باسقا دا قوعامدىق ەمەس ورىنداردا تۇسىرىلگەن.
بۇل الەۋمەتتىك پاراقشانى ماسيح الينەجاد (Masih Alinejad) ەسىمدى جۋرناليست اشقان. ونىڭ ايتۋىنشا، يراندىق ايەلدەر تەك زاڭ قاتال بولعانى ءۇشىن عانا ەمەس، وتباسى قۇندىلىقتارىنا ادەپپەن قارايتىندىقتان، جۇمىستارىنان ايىرىلىپ قالماۋى ءۇشىن جانە قوعامنىڭ تەرىس پىكىرىنە قالماۋى ءۇشىن ورانىپ جۇرەدى. سوندىقتان، از ۋاقىتقا بولسا دا ورامالدى شەشكەنى - "بوستاندىق ءدامىن" جاسىرىن سەزىنۋىمەن بىردەي. وسى سەزىمدى از ۋاقىتقا بولسا دا سەزىنۋلەرى ءۇشىن جۋرناليست ماسيح الينەجاد "جاسىرىن" فەيسبۋك توبىن قۇرعان ەكەن.
