سارىارقا اۋداندىق سوتى استانا قالاسى ءىىد-نىڭ مولدوۆا ازاماتتارىن قازاقستان رەسپۋبليكاسىنىڭ اۋماعىنان شىعارۋ تۋرالى تالاپ ارىزىن قارادى،- دەپ حابارلايدى Qamshy.kz قازاقپاراتقا سىلتەمە جاساپ.

سوتتىڭ انىقتاۋىنشا، مولدوۆالىق ەكى ازامات كيشينيەۆ قالاسىندا ءجۇرىپ، قازاقستان رەسپۋبليكاسى ازاماتتارىنىڭ جەكە شوتتارىنان اقشالاي قاراجاتتاردى ۇرلاۋ جونىندە قىلمىستىق كەلىسىم جاساعان.

وسىلايشا، 2015 جىلى 2 ماۋسىمدا مولدوۆا ازاماتتارى «كيشينيەۆ-استانا» اۋە رەيسىمەن استاناعا ۇشىپ كەلگەن. قاسكويلەر «كەرۋەن» سوسو-دا ورنالاسقان «حالىق بانكى» اق-نىڭ بانكوماتىنا ارنايى تەحنيكالىق قۇرال ورناتقان. سول ارقىلى پايدالانۋشىلاردىڭ ەلەكتروندى نۇسقادا ساقتالعان اقپاراتتارىنا يە بولعان. قىلمىستىق ارەكەتتەن 800 ادام زارداپ شەكتى.

سوت باسپا ءسوز قىزمەتىنىڭ حابارلاۋىنشا، 2015 جىلى 26 قاراشادا استانا قالاسى ەسىل اۋدانىنىڭ №2 اۋداندىق سوتى قۇقىق بۇزۋشىلاردى ايىپتى دەپ تانىپ، مۇلكىن تاركىلەي وتىرىپ، جالپى رەجىم كولونياسىندا 3 جىل جازاسىن وتەۋ ۇكىمىن شىعاردى.

2016 جىلى 25 تامىزدا سوتتالۋشىلار جازاسىنىڭ قالعان بولىگى ايىپپۇل تۇرىندەگى جەڭىلىرەك جازاعا اۋىستىرىلدى.

سارىارقا اۋداندىق سوتىنىڭ شەشىمىمەن، مولودوۆا ازاماتتارى قازاقستان رەسپۋبليكاسى اۋماعىنان قۋىلادى.

سوت شەشىمى زاڭدى كۇشىنە ەندى.