بۇعان دەيىن كوپشىلىككە روبوت-قۇرىلىسشى، ءروبوت-ورت ءسوندىرۋشى، روبوت-حاتشى، روبوت-دارىگەر، ت.ب. بەلگىلى بولسا، ەندى كىلەڭ روبوتتاردان قۇرالعان روك-توپ كوپشىلىكتى تاڭ قالدىرۋدا. توكيودا روبوتتاردان قۇرىلعان ەلەكترومەحانيكالىق ءانسامبلدىڭ كونسەرتىنە جۋرناليستەردى قوسقاندا جۇزگە جۋىق كورەرمەن جينالدى،- دەپ حابارلايدى Qamshy.kz.
مۋزىكانت روبوتتاردى جاساۋعا توكيو ۋنيۆەرسيتەتىنىڭ پروفەسسورى يوحيرو ياماگۋچي مەن مەحانيك سۋرەتشى ناوفۋمي يونەتسۋكا ۇزاق جىلدارىن جۇمساعان. مۋزىكالىق توپتاعى بەس مۋزىكانتتىڭ بارلىعى روبوتتار، اسپاپتاردى ەركىن مەڭگەرگەن. توپ قۇرامىنداعى ءۇش روبوت باراباندا وينايدى ەكەن. ولاردى سۋرەتشى ناوفۋمي يونەتسۋكا جاساعان. روك شوۋدا ساحناعا شىققان روبوتتاردىڭ ءارقايسىنىڭ التى قولى بار. ولاردىڭ ءارقايسىسى جيىرما ءتۇرلى باراباندا ءتۇرلى اۋەندەردى تۋدىرا الادى. مەحانيكالىق مۋزىكانتتاردى ويلاپ تاپقان عالىمدار بولاشاقتا روك توپتى الەمدىك گاسترولگە شىعارۋدى جوسپارلاپ وتىرعان كورىنەدى.
شارافات جىلقىبايەۆا
