«ورالمانداردى قونىستاندىرۋ ءۇشىن وڭىرلەردى ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 20 ناۋرىزداعى № 248 قاۋلىسىنا وزگەرىس ەنگىزىلدى. ۇكىمەت قاۋلىسى ق ر ەڭبەك جانە الەۋمەتتىك قورعاۋ مينيسترلىگىنىڭ سايتىندا جاريالاندى دەپ حابارلايدى BAQ.
«كورسەتىلگەن قاۋلىمەن بەكىتىلگەن ورالمانداردى قونىستاندىرۋعا ارنالعان وڭىرلەر وسى قاۋلىعا قوسىمشاعا سايكەس جاڭا رەداكسيادا جازىلسىن» دەلىنگەن پرەمەر-مينيستر ك.ءماسىموۆتىڭ قولى قويىلعان قاۋلىدا. ياعني، قاۋلى قوسىمشاسىندا ورالمانداردىڭ قونىستانۋى ءۇشىن ەلىمىزدىڭ 14 وبلىسى تۇگەلدەي قامتىلعان.
