بيىلعى جىلى ماقتا تەرىم جىلداعىدان ەرتەلەۋ باستالدى. قىركۇيەكتىڭ باسىنان بەرى ماقتا وسىرۋشىلەر باعالى شيكىزاتتى نەگىزىنەن قولمەن تەرۋدە. ارينە، تەرىم ماشينالارىمەن ماقتا جيناۋ باستالىپ جاتىر. ءبىراق، ءالى تولىق قارقىندى ەمەس.

     بۇعان سەبەپ ماقتا القاپتارىندا دەفولاسيا جاسالعانمەن ماشينامەن تەرۋگە ءالى تولىق دايىن ەمەس. بۇگىنگى تاڭدا 33149 گەكتار قوزا القابى دەفولاسيادان وتسە، 21000 گەكتار قوزالىقتا 136 وبح تەحنيكاسى جۇمىس ىستەۋدە. بۇگىنگى جۇماعا دەيىن 5349 گەكگار قول تەرىمنەن وتسە، توعىز اۋىل وكىمشىلىگىندە 1840 گەكگار ماقتا القابىن تەرىم ماشينامەن تەرىپ، قابىلداۋ پۋنكتتەرىنە اۋدان بويىنشا 11759 توننا ماقتا تاپسىرىلدى. ياعني، قازىرگى ۋاقىتتا گەكتارىنا ورتاشا 19 سەنتنەردەن ءونىم تۇسۋدە. اۋداندىق اۋىل شارۋاشىلىعى ءبولىمىنىڭ باسشىسى ا.ماحامبەتوۆتىڭ بەرگەن مالىمەتى بويىنشا بۇگىندە اۋدان بويىنشا 240 تەرىم ماشيناسى تەرىمگە دايىن تۇر. بيىلعى جىلى 83042 گەكگار القاپقا “اق التىن” ەگىلگەن بولسا، ونىڭ 54617 گەكتارى بولات بۋنكەرلى ماشينامەن، 28425 گەكگار القاپ قول تەرىممەن تەرىلەدى دەپ كۇتىلۋدە. جالپى ورتاشا 24 سەنتنەردەن ءونىم جينالادى دەگەن بولجام بار. جالپى ماقتا تەرىمنىڭ 65 پايىزى وسى تەرىم ماشينالارىمەن جينالماق. ديقاندار ءۇشىن ەڭ جاقسى جاڭالىق - كەشەگى بەيسەنبى كۇننەن بەرى اۋدانداعى بارلىق ماقتا زاۋىتتارى ءار توننا “اق التىندى” 146 مىڭ تەڭگەدەن قابىلداۋدا.

ا.تاستانبەكوۆ. «ماقتاارال» گازەتى