تۇركياداعا شاحتادا بولعان اپاتقا بايلانىستى ءۇش كۇن قارالى دەپ جاريالاندى، دەپ حابارلادى 24kz بۇل تۋرالى ەلدىڭ پرەمەر-مينيسترىنىڭ رەسمي سايتىندا جاريالاندى. قازىرگە دەيىن اپاتتان اجال قۇشقان ادام سانى 205-كە جەتىپ، 80-گە جۋىق جۇمىسشىعا اۋرۋحانادا دارىگەرلىك كومەك كورسەتىلۋدە. بۇعان دەيىن اقپارات كوزدەرى 201 ادامنىڭ قازا تاپقانى جايلى حابارلاعان بولاتىن. قۇرباندار قاتارى ءالى دە كوبەيۋى مۇمكىن. ەستەرىڭىزگە سالا كەتەيىك، ىستامبۇلدان 250 شاقىرىم جەردەگى سوما قالاسىنداعى كەن ورنىندا ەلەكتر جەلىسىنىڭ تۇيىقتالۋىنان ءورت شىعىپ، سوڭى جويقىن جارىلىسقا ۇلاستى. اپات كەزىندە جەر استىندا 780-گە جۋىق كەنشى بولعان. ولاردىڭ 280ء-ى جەر بەتىنە وزدەرى امان شىققان. شاحتادا قالعان جۇزدەگەن ادامنىڭ جاعدايى بەيمالىم. ءقازىر وقيعا ورنىندا شۇعىل تۇردە قۇتقارۋ-ىزدەستىرۋ جۇرگىزىلۋدە.