مەملەكەت باسشىسى نۇرسۇلتان نازاربايەۆتىڭ ساۋد ارابياسىنا رەسمي ساپارىن دايارلاۋ اياسىندا ق ر پرەمەر-مينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ يسلام دامۋ بانكى پرەزيدەنتىنىڭ مىندەتىن اتقارۋشى ا. تيكتيكپەن كەزدەستى، دەپ حابارلايدى Qamshy.kz قازاقپارات سايتىنا سىلتەمە جاساپ.
كەزدەسۋ بارىسىندا ا. مىرزاحمەتوۆ پەن ا. تيكتيك قازاقستان رەسپۋبليكاسى مەن يسلام دامۋ بانكىنىڭ اراسىنداعى ەكى جاقتى ىنتىماقتاستىق ماسەلەلەرىن تالقىلادى.
«بانك پەن «استانا» حالىقارالىق قارجى ورتالىعى اراسىنداعى ىنتىماقتاستىق جونىندەگى مەموراندۋم يسلام بانكينگىنىڭ دامۋىنا سەرپىن بەرىپ، يسلام دامۋ بانكىنىڭ قۇندى تاجىريبەسىن زەرتتەپ زەردەلەۋگە مۇمكىندىك بەرەدى»، - دەپ اتاپ ءوتتى ا. مىرزاحمەتوۆ.
تاراپتار، سونداي-اق، ازىق-تۇلىك قاۋىپسىزدىگى جانە قازاقستان وڭىرلەرىنىڭ ينفراقۇرىلىمدارىن دامىتۋ بويىنشا ءوزارا ىنتىماقتاستىق ماسەلەلەرىن ءسوز ەتتى.
ەسكە سالساق، اعىمداعى جىلدىڭ 11-12 قازانىندا ق ر پرەزيدەنتى ن. نازاربايەۆتىڭ تاپسىرماسى بويىنشا ق ر پرەمەر-مينيسترىنىڭ ورىنباسارى - ق ر اۋىل شارۋاشىلىعى ءمينيسترى اسقار مىرزاحمەتوۆ باستاعان ۇكىمەتتىك دەلەگاسيا ساۋد ارابياسى كورولدىگىنە ساپارلاۋدا.
