گوللانديا ۇكىمەتى ەۆتانازيانى زاڭداستىرۋ تۋرالى جاڭا زاڭ جوباسىن ازىرلەپ جاتىر. قۇجات بويىنشا «ەندى ءومىر ءسۇرۋدىڭ ءمانى جوق» دەپ شەشكەن كەز كەلگەن ادام ءوز ەركىمەن ومىرمەن قوش ايتىسا الادى ،-  دەپ حابارلايدى Qamshy.kz 24 kz-كە سىلتەمە جاساپ.

ءتىپتى ول ءۇشىن ايىقپاس دەرتكە شالدىققان بولۋ دا مىندەتتى ەمەس. ەلدىڭ دەنساۋلىق ءمينيسترى مەن ادىلەت ءمينيسترىنىڭ پارلامەنتكە جولداعان حاتى بويىنشا، ەگەر ادام ءومىر سۇرگىسى كەلمەسە، وعان لايىقتى تۇردە ولۋىنە رۇقسات ەتىلۋى ءتيىس. دەگەنمەن حاتتا زاڭ جوباسىنىڭ ءالى دە تولىقتىرۋلاردى قاجەت ەتەتىنى كورسەتىلگەن.

بولجام بويىنشا قۇجاتتى دارىگەرلەر مەن ەتيكا سالاسىنىڭ ماماندارى بىرلەسە وتىرىپ 2017 جىلدىڭ سوڭىنا دەيىن تولىق ازىرلەيدى.

ايتا كەتەيىك، 2002 جىلى نيدەرلاند – الەمدە العاش رەت ەۆتانازيانى زاڭداستىرعان مەملەكەت. الايدا ول زاڭ بويىنشا ءوز ءومىرىن قيۋعا تەك ايىقپاس دەرتكە شالدىققاندارعا عانا رۇقسات بەرىلگەن.