اقتاۋدا 6 جاسار قىزدى زورلادى دەپ كۇدىكتەلگەن ەر ادامنىڭ ايەلى ۇلىن ەرتىپ ەلدەن كەتىپ قالدى. ءبىر اپتا بۇرىن الەنا مايدانيۋك ۋكرايناعا كوشىپ كەتتى. ول ءوزى سول ەلدىڭ تۋماسى،- دەپ حابارلايدى Qamshy.kz كتك ارناسىنىڭ سايتىنا سىلتەمە جاساپ.
بۇل جايلى ايەلدىڭ ءوزى ايتىپ بەردى. ايتۋىنشا، ول ۇلىنىڭ قاۋىپسىزدىگىنە الاڭداعان. ەلدى دۇرلىكتىرگەن قىلمىستى ەل بولىپ قاتاڭ باقىلاۋعا الدى.
ەستەرىڭىزگە سالساق، ەلدى دۇرلىكتىرگەن جانتۇرشىگەرلىك وقيعا تامىزدىڭ 20 كۇنى جاسالعان. 6 جاستاعى قىز جوعالىپ كەتىپ، بىرنەشە ساعاتتان سوڭ قانسىراعان ءسابي اقتاۋ شەتىندەگى ساياجايدان تابىلعان بولاتىن. سويتسە، پەدوفيل بۇلدىرشىنگە ويىنا كەلگەنىن ىستەپتى. كوپ ۇزاماي ازعىن دا تۇستالىپ، قاماۋعا الىندى. ول 32 جاستاعى اقتاۋ تۇرعىنى.
