سەناتور ءبىرعانىم ءايتىموۆا كيىپ كەلگەن كولگوتكي جەلى قولدانۋشىلارىن تاڭقالدىرىپ، ولاردىڭ قىزۋ تالقىسىنا ۇشىرادى. بۇل تۋرالى Qamshy.kz  New Times-كە   سىلتەمە جاساپ حابارلايدى. 

قارا جولاعى بار كولگوتكيدى دەپۋتات بۇگىن سەناتتىڭ پلەنارلىق وتىرىسىنا كيىپ كەلگەن. دەپۋتاتتى تومەن تاقالى ءتۋفليى دە ەرەكشەلەندىرىپ تۇردى. ءايتىموۆانىڭ مۇنىمەن نە ايتقىسى كەلگەنىن وتاندىق سانگەرلەر ساراپقا سالىپ كوردى.

استانالىق ديزاينەر اناستاسيا رومانوۆانىڭ پىكىرىنشە، وسى كيىمى ارقىلى دەپۋتات قوعامعا ءۇن قاتىپ وتىر.

“ول ەلدىڭ نازارىن وزىنە اۋدارۋ ءۇشىن وسىنداي كيىم كيگەن سياقتى. ەگەر كولگوتكي قارا نەمەسە اقشىل سارى بولسا ەشكىم نازار اۋدارماۋشى ەدى. ءتىپتى جۇرتتىڭ تۋفليگە دە كوزى تۇسەدى دەپ ايتۋ قيىن. مۇنداي كولگوتكيدى مەن ستۋدەنت كەزىمدە كيەتىنمىن. ءقازىر 27 جاسىمدا ونداي كولگوتكيلەر كوزگە تۇرپىدەي ءتيىپ، كۇلكىلى كورىنەتىندىكتەن مەن ونداي كيمەيمىن”، – دەيدى ول.

بۇل رەتتە اسەم نۇرسەيىتوۆانىڭ پىكىرى باسقاشا.

“مەنىمشە ول بار بولعانى ءوزى ءۇشىن ىڭعايلى كيىم كيگەن بولۋ كەرەك. وعان ۇناپ تۇرسا نەگە كيمەسكە. جۇرتتىڭ پىكىرىنە قاراماي، ءبىز ءارقايسىمىز وزىمىزگە ۇناعان كيىمدى كيە الامىز. مەن ءبىر شەڭبەردىڭ ىشىندە قاتىپ قالعان قاعيداعا سۇيەنگىم كەلمەيدى. سول سەبەپتى وسىنداي كرەاتيۆتى قولدايمىن”، – دەيدى نۇرسەيىتوۆا.