مەتەورولوگتار 2016-2017 جىلدىڭ قىس مەزگىلىندە ەۋروپادا سوڭعى 100 جىلدا كورمەگەن سۋىق بولاتىندىعىن ايتىپ ەسكەرتۋ جاسادى. الداعى ۋاقىتتا ءبىزدىڭ كونتينەت ارقىلى اركتيكانىڭ اۋا ماسسالارى ىعىسادى، دەدى. بۇل تۋرالى Qamshy.kz حابارلايدى SZH.KZ سايتىنا سىلتەمە جاساپ.

ەۋروپا مەتەورولوگتارى قارت قۇرلىقتىڭ تۇرعىندارىنا جىلى كيىمدەرىن دايىنداپ، سۋىق اتموسفەراعا قازىردەن قامدانۋدى كەڭەس ەتەدى. نەمىس مەتەورولوگى دومينيك يۋنگ mesastuces.net سايتىنىڭ دايەكسوزىنە سۇيەنە وتىرىپ، بۇرىن بولىپ كورمەگەن سۋىق اۋا كەلە جاتقانىن ايتىپ ەسكەرتۋ جاسادى.

ەڭ تومەنگى تەمپەراتۋرا قاڭتار مەن اقپان ايلارىندا بولادى. دومينيك يۋنگتىڭ سوزىنشە، ناۋرىز ايى دا سۋىق بولىپ، كۇن ءساۋىر ايىنان باستاپ جىلىنا باستايدى دەپ كۇتىلەدى. AccuWeather مەتەرولوگى دجو باستاردي دە ارىپتەسىنىڭ بۇل بولجامىمەن كەلىسەدى. ونىڭ پىكىرىنشە، الداعى قىس مەزگىلىندە اركتيكالىق اۋا ماسساسى ەۆروپاعا كەلەدى.

«بۇل فەنومەننىڭ ورىن الۋى اۋا ماسسالارى الماسۋىنىڭ بۇزىلۋىمەن بايلانىستى. وڭتۇستىكتەن قار مەن داۋىلدى شاقىراتىن سيكلون كەلدى. مۇنىڭ سوڭىنان اركتيكانىڭ اۋا ماسسالارى كەلەدى. قوزعالىس فورماسىنىڭ بۇزىلۋى كۇننىڭ بەلسەندىلىگىنەن بولۋى مۇمكىن.

ءقازىر ءبىز اۋا تەمپەراتۋراسىنىڭ تومەندەۋىن باقىلاپ جاتىرمىز. «جاھاندىق سۋىتۋ» مەن «مۇز ءداۋىرى» تۋرالى ايتۋ ءالى ەرتە، — دەيدى فوبوس مەتەوورتالىعىنىڭ قىزمەتكەرى ەلەنا ۆولوسيۋك.