قازاق ارۋى ۇلى ابايدىڭ 120 داي ولەڭدەرىن جاتقا بىلەدى. اتا-اجەسىنىڭ قولىندا وسكەن الميرا كىشكەنتاي كەزىنەن ولەڭ جاتتاپ، اباي وقۋلارى سەكىلدى كوپتەگەن بايقاۋلاردىڭ جەڭىمپازى! ايتا كەتەيىك، الميرا احاتوۆا 16 ناۋرىز كۇنى استاناداعى “كونگرەسس حولل” سارايىندا وتكەن قازاق ارۋى-2016″ ۇلتتىق سۇلۋلار بايقاۋىنىڭ جەڭىمپازى. 

–  الميرا، قاي جەردە، قاي جىلى دۇنيەگە كەلگەنسىز؟

– اتىراۋ قالاسىندا، 1996 جىلى كوپبالالى وتباسىندا دۇنيەگە كەلدىم.

– ەسىمىڭىزدى ەرەكشە ەتىپ كىم قويعان؟

– ەسىمىمدى اكەمنىڭ ءىنىسى قويعان، الميرا ەستۋىم بويىنشا ەكى مەملەكەتتىڭ تىلىنەن اۋدارىلادى: يسپان تىلىنەن-xانشايىم دەگەن ماعىنانى بىلدىرسە، اراب تىلىنەن-شىنشىل،باتىل دەگەن ماعىنانى بەرەدى ەكەن،ەسىمىم وزىمە قاتتى ۇنايدى

– وتباسىندا نەشە بالاسىزدار؟

– وتباسىندا 4 بالامىز،اللاعا شۇكىر،مەن تۇڭعىشىمىن، ارتىمنان ەرگەن 2 ءىنىم،1 ءسىڭىلىم بار

–  الميرا، ءسىز اباي ولەڭدەرىن جاتقا وقيسىز. ءبىراز جۇرت ءسىزدىڭ وسى ونەرىڭىزگە تامسانىپ تا جاتتى.  وسى ورايدا سىزگە مىنا سۇراقتى قويعىپ كەلىپ وتىر، اۋەزوۆتىڭ «اباي جولى» رومانىن تولىقتاي وقىعانسىز با؟

–  ارينە وقىعانمىن،سونىمەن قاتار ۇلاعاتتى قارا سوزدەرىن دە ءسۇيىپ وقيمىن ( جاتقا بىلسەم دە) جالپى شىنى كەرەك پوەزيا دەسە ىشكەن اسىمدى جەرگە قويامىن دەۋگە بولادى،قازاق،ورىس پوەزياسى قاتتى ۇنايدى.

– ەگەر، سىزگە «الەم ارۋى» بايقاۋىنا شاقىرتۋ كەلىپ،  پوديۋمعا ءىش كيىممەن شىعۋ ۇسىنىلسا  بايقاۋعا قاتىسار ما ەدىڭىز؟

– ونداي ارەكەتكە بارا المايتىنىم اقيقات، ارينە مەملەكەتىمىزدى وسىنداي ءىرى ماسشتابتى كونكۋرستا كورسەتكەنگە نە جەتسىن، ءبىراق ولىمنەن ۇيات ارتىق،ار-ۇياتىم مەن نامىسىمدى قاشان دا العا قويامىن.

– اباي اتامىز ءبىر سوزىندە «ءار نارسەنىڭ ءوز ولشەۋى بولادى، ولشەۋىنەن اسسا بوعى شىعادى» دەگەن. قازىرگى قىزداردىڭ شامادان تىس بويانىپ، سانگە قۇمارتۋى اباي ايتقان جاڭاعى ولشەۋىنەن اسىپ كەتكەن جوق پا؟

– دۇرىس ايتاسىز، كوپ قىزداردىڭ ولشەۋىن بىلمەي شەكتەن شىعاتىندارى راس. ءارقاشان دا نەنىڭ دە بولسىن "شەكاراسىن" ءبىلىپ سەزىنۋ كەرەك ،بىرەۋگە جاراسادى بىرەۋگە جاراسپايدى دەگەن تاعى بار،قازىرگى كەزدە جاستاردىڭ، بىزدەردىڭ ارامىزدا اداسقان ۇعىم قالىپتاسقان،مىسالعا كادىمگى كۇندەلىكتى ينستاگرامىمىزدا قىزدار ۇناۋ ءۇشىن،كىشكەنە لايك ءۇشىن اشىق-شاشىق كيىمدەر سالىپ،بىلمەيمىن باتىستان كەلگەن دۇنيە مە؟! شارشاتىپ جىبەردى شىنى كەرەك، وكىنىشتىسى بارلىعى ءبىزدىڭ ءقاراقوز قىزدار ءاربىر ەكىنشىسى سونداي قىلىق جاسايدى ( اشىندىراتىن جاعداي ارينە)

– ءقازىر قازاق جىگىتتەرى ۇساقتالىپ كەتتى دەگەندى قىزدار ءجيى ايتادى. ال، ءسىزدىڭ بۇگىنگى قازاق جىگىتتەرىنە كوڭىلىڭىز تولا ما؟

– كوپكە توپىراق شاشىپ قايتەمىز، ءيا ونداي جىگىتتەردە از ەمەس، ازامات جىگىتتەرىمىز دە بارشىلىق، ونداي جاعدايدا تاربيە ۇلكەن ءرول وينايدى، سونىمەن قوسا ساناسىندا بولسا قاراپايىم نارسەلەردەن شالىس باسىپ، وز-وزدەرىن باسقا قىرلارىنان كورسەتىپ جاتادى، ءوزىمىزدىڭ جىگىتتەرىمىزدى جامانداپ تابالاساق نە بولادى،ۋاقىت وتە ءوز قالپىنا كەلەر دەگەن ۇمىتتەمىن.

– قازىرگى  ەلىمىزدە بولىپ جاتقان قاي ماسەلە  ءسىزدى قاتتى تولعاندىرادى؟

– كوپ نارسە تولعاندىرادى، تاربيە،ءبىلىم،ءتىل ماسەلەسى دەگەندەي. باستىسى ءوزىمىزدى ساقتاپ قالساق بولعانى، ياعني رۋxىمىز بەن ءتىلىمىز

– بۇگىنگى تاڭدا تۇرمىسقا شىعا الماي، جىگىتتەرگە ۇسىنىس جاساتا الماي جۇرگەن قاراكوزدەردىڭ سانى قاپتاپ كەتتى. جالپى،  ءوز جارتىسىن تابا الماي، جالعىزدىقتان شارشاپ جۇرگەن قىزدارعا قانداي كەڭەس بەرەسىز؟

– شىنى كەرەك، بۇل ماسەلە كوبەيىپ جاتىر، ءيا وزىمدە بايقايمىن. ءقازىر قوعام،زامان اعىمىنا قاراي ايەل قاۋىمى ەرتەگە قاراعاندا ءبىر ساتى كوتەرىلدى دەپ ايتساق، قاتەلەسپەيتىن شىعارمىز،ءسىرا وسىنىڭ دا اسەرى بار شىعار، مەنىڭ ويىمشا، سول ءبىر جاننىڭ باقىتىڭ بولاتىنىن سەزىنسەڭ،اقىلمەن تارازىعا سالىپ،بىلايشا ايتقاندا ماxاببات ءۇشىن كۇرەسۋ كەرەك،سوندا عانا باياندى دا باقىتتى سەزىمگە قول جەتكىزە الامىز.

– مەديسينا سالاسىندا ءبىلىم الىپ جاتىر ەكەنسىز.  دەنساۋلىق ءمينيسترى بولساڭىز، ەڭ الدىمەن ءبىزدىڭ مەديسينادا نەنى وزگەرتەر ەدىڭىز؟
– اۋزىڭىزعا ماي! لايىم سولاي بولسىن!  بولاشاقتا كورە جاتارمىز، مەديسينا سالاسى مەنىڭ تاڭداۋىم، شىنىمەن مەديسينانى جان تانىممەن سۇيەمىن،وسى ومىردە كىشكەنە بولسا دا دەرتىنە داۋا بولىپ، ادامداردىڭ قۋانىشىنا ورتاقتاسىپ،ەلىمە ءبىر وزىندىك ۇلەسىمدى قوسسام ءبىر ارمانىمنىڭ ورىندالعانى.

– ابايدان باسقا  قازاق جازۋشىلارى مەن اقىندارىنان كىمدەردى وقيسىز؟

– قازاقتا ادەبيەت تاريx جاعىنان ەلەۋسىز قالعان تۇلعا جوق شىعار،ءسىرا؟! كوبىنە ءسۇيىپ وقيتىنىم مۇقاعالي ماقاتايەۆ، مۇزبالاق اقىننىڭ ءاربىر ولەڭى جۇرەگىمە ىستىق بولىپ كورىنەدى،شاكارىم، ماxامبەت دەگەن وقۋلارعا دا قاتىسىپ ءجۇردىم.

 – سۇلۋلىعىڭىزدىڭ قۇپياسى نەدە؟

– ەڭ ءبىرىنشى اللانىڭ سىيلىعى شىعار دەپ ويلايمىن،ەكىنشى اتا-اناما گەنەتيكاما راxمەت! سىرتى ءبۇتىن، ءىشى ءتۇتىن بولىپ جۇرگەنشە،ودان شا وسى تەپە-تەڭدىكتى ساقتاۋعا تىرىسامىن.تەك ادەمى بولۋ جەتكىلىكسىز،اقىل مەن تاربيە، قاراپايىمدىلىق دەگەن بەلگىلەر ۇشتاسىپ جاتسا نۇر ۇستىنە نۇر!

سۇحباتتاسقان: ايجان قالييەۆا