الماتىداعى تەراكت بويىنشا الدىن الا سوت وتىرىسى باستالىپ جاتىر، - دەپ حابارلايدى Qamshy.kz Tengrinews.kz – كە سىلتەمە جاساپ.

بۇل ءىس قىلمىستىق ىستەر جونىندەگى مامانداندىرىلعان اۋدانارالىق سوتتا ءوتىپ جاتىر. پروسەسس تەرگەۋ يزولياتورىنىڭ عيماراتىندا اشىق تارتىپتە وتەدى. رۋسلان كۇلىكبايەۆ قۇقىق قورعاۋ ورگاندارىنىڭ جانە ارنايى ورگانداردىڭ سەگىز قىزمەتكەرىنىڭ، سونىمەن قاتار ەكى بەيبىت تۇرعىننىڭ ءومىرىن جالماعان تەرروريستىك اكت جاسادى دەپ ايىپتالىپ جاتىر. سونداي-اق، وعان ءۇش ادامدى ولتىرۋگە وقتالدى دەگەن ايىپ تاعىلىپ وتىر. 

سوتتى تەرگەۋ يزولياتورىنىڭ عيماراتىندا وتكىزۋ تۋرالى شەشىمدى سوتتاعىلار رۋسلان كۇلىكبايەۆتىڭ وتە اشۋلى ءارى قوعامعا ءقاۋىپ توندىرەتىندىگىمەن ءتۇسىندىردى. سونداي-اق، قۇقىق قورعاۋ ورگاندارى سوتتالۋشى قاشىپ كەتە مە دەپ قورقىپ وتىر ەكەن.

«ول كامەراسىندا كىسەنمەن وتىرادى. ول وتە ءقاۋىپتى، سوندىقتان سوت پروسەسىن تەرگەۋ يزولياتورىنىڭ عيماراتىندا وتكىزۋدى دۇرىس دەپ تاپتىق، سەبەبى قالالىق سوتتىڭ عيماراتىنا تاسىمالداناتىن بولسا، ول قارسىلىق كورسەتۋى مۇمكىن جانە قاشىپ كەتۋگە ارەكەت جاساۋى مۇمكىن. كۇلەكبايەۆتىڭ فيزيكالىق دايىندىعى بار، ول كىسەندەۋلى تۇرسا دا، جاۋاپ الىنىپ جاتقان ساتتە تەرگەۋشىگە ستولدى توڭكەرىپ جىبەرە جازدادى»، - دەيدى سوتتىڭ وكىلدەرى.

پروسەسس تولىقتاي اشىق وتۋدە. سونىمەن قاتار، كۇلەكبايەۆپەن قاتار ونىڭ بەس سىبايلاسى سوتتالىپ جاتىر.

ال وسىعان دەيىن رۋسلان كۇلەكبايەۆتىڭ بۇرىندارى كيكبوكسينگپەن اينالىسقانى جانە جەتىستىكتەرى ءۇشىن وسى سپورت تۇرىنەن سان مارتە ماراپات پەن قۇتتىقتاۋلارعا يە بولعانى بەلگىلى بولعان ەدى. ەسىمىن جاريالاماۋدى وتىنگەن ادام، كيكبوكسينگپەن شۇعىلدانعان كۇلەكبايەۆتىڭ «سپورت شەبەرلىگىنە كانديدات» دەگەن اتاعى دا بارىن ايتقان.

ەستەرىڭىزگە سالساق، 18 شىلدەدە الماتىدا تەرروريستىك اكت بولعان ەدى. بەلگىسىز ەر ادام المالى اۋداندىق ءىىب مەن ۇقك دەپارتامەنتىنە قارۋلى شابۋىل جاسادى. وقيعا سالدارىنان بەس ادام، ونىڭ ىشىندە ءۇش پوليسيا قىزمەتكەرى قازا تاپتى. قالادا تەررورلىق قاتەردىڭ قىزىل دەڭگەيى جاريالاندى. قىلمىسكەر ۇستالدى،ول بۇرىن ءىستى بولعان قىزىلوردا وبلىسىنىڭ تۋماسى رۋسلان كۇلەكبايەۆ بولىپ شىقتى.

وسىعان دەيىن ءىىد تەرگەۋ جۇمىستارى بارىسىندا1 8 شىلدەدە پوليسەيلەردى ءولتىردى دەگەن كۇدىككە ىلىنگەن رۋسلان كۇلەكبايەۆتىڭ جالدامالى پاتەردى انىقتاعان بولاتىن. پوليسياداعىلار پاتەردە ادام ومىرىنە ءقاۋىپتى زاتتاردىڭ بار-جوعىن تەكسەرىپ شىقتى. الايدا، پوليسيا قىزمەتكەرلەرى پاتەردى ءتىنتۋ كەزىندە ءقاۋىپتى زاتتاردى تاپپادى. ال كەشە رۋسلان كۇلەكبايەۆ ەكى ايعا قاماۋعا الىندى.