قازاقستان العاش رەت «ەurovision-2017» ءان دوداسىنا قاتىسۋى مۇمكىن، دەپ حابارلايدى Qamshy.kz Baq.kz سايتىنا سىلتەمە جاساپ.

ۇيىمداستىرۋشىلاردىڭ ايتۋىنشا، الەمدە بايقاۋعا قاتىستى كوپتەگەن سىبىس تارالىپ كەتكەن. سول سەبەپتى شىندىققا جاناسادى دەگەن ءتورت بولجامدى اتاپ كورسەتۋگە شەشىم قابىلدانعان ەكەن. شىندىق رەيتينگىسىنىڭ ەكىنشى ورنىنا قازاقستاندىق ارتىستەردىڭ العاش رەت «ەurovision-2017» دوداسىنا قاتىسۋ مۇمكىندىگى تۋرالى حابار ورنالاسقان.

«2016 جىلدىڭ 1 قاڭتارىندا قازاقستانداعى ۇلتتىق حابار تاراتۋشى كومپانيالاردىڭ ءبىرى ەۆس-دىڭ مۇشەسى بولۋ قۇقىعىن الدى. مۇنداي مارتەبەگە، مىسالى، اۆستراليالىق SBS TV تەلەارناسى يە بولىپ وتىر. «حابار» اگەنتتىگى اتالعان بايقاۋدا ەل نامىسىن قورعاي الاتىن ارتىستەردى بىرنەشە جىل بويى ىزدەستىرگەن بولاتىن. ال قازاقستاندىق ب ا ق پەن انشىلەردىڭ تىڭدارماندارى مۋزىكالىق بايقاۋعا قاتىسۋعا نەگىزگى ۇمىتكەرلەر رەتىندە جانار دۇعالوۆا، ديماش قۇدايبەرگەن جانە «ا`ستۋديو» توبى قاراستىرىلىپ وتىر دەگەن سىبىس تاراتتى. الايدا، ەۆس مەن بايقاۋ باسشىلارى اقپاراتتى راستاماعان. بۇل ماسەلە اشىق كۇيىندە قالىپ وتىر»، - دەلىنگەن مالىمدەمەدە.

شىندىققا جاقىن دەگەن قاۋەسەتتەردىڭ اراسىندا ءانشى ەلەنا پاپاريزۋدىڭ گرەكياعا ورالاتىنى، سونداي-اق، O’G3NE نيدەرلاندىنىڭ اتىنان، ال دانيالىق ەمميلي دە فورەست ۇلىبريتانيانىڭ اتىنان ونەر كورسەتەتىنى اتالىپ وتكەن.

ەستەرىڭىزگە سالا كەتەيىك، 9 قىركۇيەكتە ۋكراينانىڭ ۇلتتىق تەلەارناسىنىڭ باسشىسى زۋراب الاسانيا «ەurovision-2017» حالىقارالىق ءان بايقاۋى كييەۆتىڭ حالىقارالىق كورمە ورتالىعىندا وتەتىنىن حابارلادى. ءداستۇر بويىنشا، «ەurovision» مامىر ايىنىڭ ورتا تۇسىندا وتەدى – ناقتى كۇنى كونكۋرس وتكىزىلەردەن بىرنەشە اي بۇرىن جاريالانادى.