ءۇلبى مەتاللۋرگيالىق زاۋىتى قويماسىندا ماگاتە-نىڭ 90 توننا تومەن بايىتىلعان ۋرانى ساقتالاناتىن بولادى، - دەپ حابارلايدى Qamshy.kz قازاقپاراتقا سىلتەمە جاساپ.

بۇل تۋرالى بۇگىن ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «ق ر ۇكىمەتى مەن اتوم ەنەرگياسى جونىندەگى حالىقارالىق اگەنتىك اراسىنداعى قازاقستان رەسپۋبيلكاسىندا اتوم ەنەرگياسى جونىندەگى حالىقارالىق اگەنتتىكتىڭ تومەن بايىتىلعان ۋران بانكىن قۇرۋ تۋرالى كەلىسىمدى راتيفيكاسيالاۋ تۋرالى» ق ر زاڭىنىڭ جوباسىن تالقىلاۋ بارىسىندا دەپۋتاتتاردىڭ ساۋالىنا جاۋاپ بەرگەن ەلىمىزدىڭ ەنەرگەتيكا ۆيسە-مينيسترى باقىتجان جاقسالييەۆ مالىمدەگەن.

«تاۋەلسىزدىك جىلدارى ورتاشا ەسەپپەن بىزدە بىرنەشە جىلدىق تاپسىرىس بولىپ تۇر. ول ۋاقىتتا ءبىز رەسەيلىك كاسىپورىندار ءۇشىن شامامەن 300 توننا تابلەتكا وندىرەتىنبىز. ياعني، ءبىر مەزەتتە 200 جانە ودان كوپ توننا ساقتالىپ وتىردى. قازىرگى ۋاقىتتا شامامەن 40 توننا بار»، - دەدى ول.

وسى رەتتە  ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ماۋلەن اشىمبايەۆ ۆيسە-مينيستردەن اتالعان كولەمگە قوسىمشا 90 توننا ماگاتە ۋرانىن ساقتاۋ جوسپارلانىپ وتىر ما، دەپ سۇرادى.

«ءيا، ءبىراق ول جەكە قويمادا ساقتالادى. بۇعان قوسا، بىزگە ماتەريالدار قايتا وڭدەۋ ءۇشىن ۇنەمى جەتكىزىلىپ تۇراتىن بولادى. تاياۋ بولاشاقتا 200 تونناعا دەيىنگى كولەمدەگى ماتەريال بىزگە قايتا وڭدەۋگە جەتكىزىلەدى. ال ودان قىتايلىق اتوم ەلەكتر ستانسالارى ءۇشىن وتىن تابلەتكالارىن جاسايتىن بولامىز»، - دەپ جاۋاپ بەردى جاقسالييەۆ.

ەستەرىڭىزگە سالا كەتسەك، 2015 جىلدىڭ 27 ساۋىرىندە قازاقستان ۇكىمەتى ءوز قاۋلىسىمەن ەلىمىزدە ماگاتە-نىڭ تومەن بايىتىلعان ۋران بانكىن «ءۇلبى مەتاللۋرگيالىق زاۋىتى» اق-ىندا ورنالاستىرۋ تۋرالى كەلىسىمگە قول قويۋدى ماقۇلداعان بولاتىن. سول جىلدىڭ 27 تامىزىندا كەلىسىمگە قازاقستان تارابىنان ەرلان ىىدىرسوۆ پەن ماگاتە-نىڭ باس ديرەكتورى يۋكيا امانو قول قويعان ەدى.