جالعىز باسپاناسىنىڭ يپوتەكاسىن تولەي الماي جۇرگەن ازاماتتارعا مەملەكەت تاراپىنان كومەك كورسەتىلەدى. بۇل تۋرالى بۇگىن پارلامەنت ماجىلىسىندە «سالىق سالۋ جانە كەدەندىك اكىمشىلەندىرۋ ماسەلەلەرى بويىنشا ق ر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرعان ق ر ۇلتتىق ەكونوميكا ءمينيسترى قۋاندىق بيشىمبايەۆ ايتتى، دەپ حابارلايدى Qamshy.kz Baq.kz سايتىنى سىلتەمە جاساپ.

«قايتا قارجىلاندىرۋ باعدارلاماسى» شەڭبەرىندە يپوتەكاسىن تولەي الماي، بانكتەرگە قارىز بولىپ قالعان ازاماتتارعا كومەك كورسەتىلەدى. بۇل باعدارلاما پروبلەمانى شەشۋگە جانە xالىقتىڭ الەۋمەتتىك وسال توپتارىنىڭ جالعىز باسپاناسىن ساقتاپ قالۋعا مۇمكىندىك بەرەدى»، - دەيدى ق.بيشىمبايەۆ.

ايتا كەتەيىك، 2015 جىلعى 11 اقپاندا ۇكىمەتتىڭ كەڭەيتىلگەن وتىرىسىندا ەلباسى ۇلتتىق بانككە ۇكىمەتپەن بىرلەسىپ، يپوتەكالىق قارىز الۋشىلاردىڭ پروبلەماسىن شەشۋ جونىندە شارالار كەشەنىن ازىرلەۋدى تاپسىرعان بولاتىن. وسىعان وراي ۇلتتىق بانك ەكىنشى دەڭگەيلى بانكتەردىڭ يپوتەكالىق تۇرعىن ءۇي قارىزدارىن/يپوتەكالىق قارىزداردى قايتا قارجىلاندىرۋعا 130،0 ملرد تەڭگە ءبولدى.