لۋينا ءوزىنىڭ پروديۋسەرى جومارت سۇلەيمەنوۆپەن ازاماتتىق نەكەدە بەس جىل بويى تۇرىپ جاتقانىن مالىمدەدى دەپ حابارلايدى Qamshy.kz Nur.kz-كە سىلتەمە جاساپ.

بۇل تۋرالى لۋينا "حابار" ارناسىنىڭ "كومپرومات" باعدارلاماسىندا ايتىپ بەردى. جۋرناليستەردىڭ سۇراعىنا ەش قىمسىنباستان جاۋاپ بەرۋگە تىرىسقان لۋينا ءوزىنىڭ جەكە ومىرىنە قاتىستى دا اشىق ايتتى.

انشىگە: "ەل اراسىندا ءسىز سۇيىكتىڭىزبەن بەس جىل بويى ازاماتتىق نەكەدە تۇرادى، ءتىپتى كىشكەنتايلارى دا بار ەكەن سىندى سىبىستار تاراپ كەتكەن جانە پروديۋسەرىڭىز جومارتپەن ارادا قانداي بايلانىسىڭىز بار؟"، - دەگەن سۇراق قويىلدى.

بۇل سۇراقتى ەستىگەن لۋينا جەكە ءومىرىنىڭ قۇپيالى تۇستارىن جاسىرمادى. "مەن سىزدەرگە جاسىرماي ايتايىن. ءيا، جومارت ماعان پروديۋسەرلىك ەتكەنىنە بەس جىل بولدى. ءيا، ءبىزدىڭ ازاماتتىق نەكەدە تۇرىپ جاتقانىمىزعا دا بەس جىل بولدى"، - دەدى ول.

سونىمەن بىرگە، ءانشىنىڭ ايتۋىنشا، ولار كەلەسى جىلى ازاماتتىق نەكەنى زاڭداستىرماقشى. بالا تۋرالى ولار سول كەزدە ويلانا باستايتىندارىن دا جەتكىزدى.

لۋينانىڭ سوزىنە سەنسەك، ولار جالعىز ەمەس، جومارتتىڭ اناسىمەن بىرگە تۇرادى ەكەن. "سوندىقتان، مەن ءقازىر كەلىنمىن"، - دەدى ول.