ساۋد ارابياسى بيلىگى پاتشا وتباسى مۇشەلەرىنىڭ ءبىرى تۇركي بەن ساۋد ءال كەبيردى ءولىم جازاسىنا كەستى. وعان دوسىن ءولتىردى دەگەن ايىپ تاعىلىپ وتىر.
بۇل تۋرالى Qamshy.kz Stan.kz –كە سىلتەمە جاساپ حابارلايدى.
ۇكىم تۋرالى ەلدىڭ سىرتقى ىستەر مينيسترلىگى دە راستاعان. ۇكىمدى ساۋد ارابياسىنىڭ جوعارعى سوتى شىعارعان. ال جازانى ورىنداۋ تۋرالى بۇيرىققا كورولدىڭ ءوزى قول قويعان.
تەرگەۋ مالىمەتىندەگىدەي، كورول وتباسىنىڭ مۇشەسى ءۇش جىل بۇرىن ەر-ريادتاعى لاگەرلەردىڭ بىرىندە اتىس ۇيىمداستىرىپ، ءوزىنىڭ دوسى ءادىل ال-محەمەدتى اتىپ، تاعى ءبىر ادامدى جارالاعان. ونىڭ بۇل ارەكەتى ۇلكەن شۋ تۋدىرعان ەدى.
كورول وتباسى مۇشەسىنىڭ ءولىم جازاسىنا كەسىلۋى اراب ەلدەرىندەگى مونورحيا تاريحىندا العاش رەت بولىپ وتىر.
