اقتوبەلىك دارىگەرلەر مىلقاۋ كەلىنشەكتىڭ جاتىرىنان 6 كەلى ميوما الدى. اقتوبە وبلىسى شالقار اۋدانىنىڭ الىس اۋىلىندا تۇراتىن كەلىنشەك ءقازىر جانساقتاۋ بولىمىندە جاتىر،-  دەپ حابارلايدى Qamshy.kz Nur.kz سايتىنا سىلتەمە جاساپ. 

ءىشى ىسكەنشە جۇرە بەرگەن كەلىنشەكتىڭ جاتىرىنداعى ميومانى استانالىق دارىگەرلەر انىقتاعان. دارىگەرلەر قاتەرلى ىسىكتى ايەلدىڭ جاتىرىمەن بىرگە الىپ تاستاعان. سويلەي المايتىن كەلىنشەكتىڭ ءۇش بالاسى بار.

«شالقار اۋدانىنىڭ الىس اۋىلىندا تۇراتىن 47 جاستاعى كەلىنشەكتىڭ جاتىرىنان الىپ ميوما انىقتالدى. ىسىكتىڭ سالماعى 6 كەلىدەن اسادى. ايەل وياندى، وتا ءساتتى ءوتتى. ءبىر اپتادان كەيىن ۇيىنە شىعارىلادى. استانادان كەلىپ جاتقان ارنايى توپ ىشىندەگى دارىگەرلەر الىس اۋىلدارداعى تۇرعىنداردى تەكسەرىپ جاتىر. ايەل ادامداردىڭ اراسىندا اسقىنعان اۋرۋمەن جۇرگەندەردىڭ كوپ ەكەنى انىقتالعان. الماتىداعى رەسپۋبليكالىق اكۋشەرلىك جانە گينەكولوگيالىق ورتالىعىنىڭ دارىگەرى روزا رايەۆانىڭ جەتەكشىلىگىمەن بىرنەشە وتا جاسالىندى»، - دەيدى وبلىستىق اۋرۋحانانىڭ باس دارىگەرى سامات دانياروۆ.

ايەلدىڭ جاتىرىنداعى الىپ ميومانى اۋىلعا كەلگەن «دەنساۋلىق پويىزىنىڭ» ماماندارى كورگەن. ناۋقاستى بىردەن پورتالعا كىرگىزىپ، وبلىستىق اۋرۋحانادا وتا جاسادى.

ماماندار الىس اۋىلداردا دارىگەرگە كورىنبەي، اۋرۋلارى اسقىنىپ كەتكەن كەلىنشەكتەردىڭ كوپ ەكەنىن ايتادى. «دەنساۋلىق پويىزى» كومەگىمەن تاعى ءبىر

45 جاستاعى كەلىنشەكتەن دە جاتىر ىسىگى الىنعان. ول ايەلدىڭ ميوماسى دا ۇلكەن كولەمدە ءىسىپ كەتكەن.