وڭتۇستىك كورەيالىق برەند "Benton" ماركالى تابيعي ەمدىك-كوسمەتيكالىق قۇرالداردىڭ رەسمي ساۋدالاۋشىسى جانە وتاندىق جاسىل ءونىم، دارىلىك زاتتار شىعارۋشى Dari life كومپانياسى 15 قازان كۇنى ءوزىنىڭ ءبىر جىلدىعىن اتاپ ءوتتى. از عانا ۋاقىتتىڭ ىشىندە زور جەتىستىكتەرگە جەتكەن ۇجىمنىڭ مەرەكەلىك باس قوسۋى الماتىداعى "ميراس" سالتانات سارايىندا ءوتتى دەپ حابارلايدى qamshy.kz
جينالعانداردى مەرەكەمەن قۇتتىقتاعان كومپانيا پرەزيدەنتى اقزات ازات ۇلى ءبىر جىلدىڭ ىشىندە كومپانيانىڭ قىرۋار جەتىستىككە جەتكەنىن ايتتى. "ارمانىمىز قازاقستاننان ءبىر كومپانيا اشىپ، الەمگە تانىتۋ ەدى. مىنە، سول ارماندى جۇزەگە اسىرۋ جولىندا ەڭبەك ەتىپ جاتىرمىز. كومپانيا قىزمەتكەرلەرى وعان زور ۇلەس قوسۋدا. ارينە، كومپانياعا، ونىڭ ماقساتتارىنا سەنبەگەندەر بولدى. سەنىپ، بىرگە قالعاندار دا بولدى. سەنگەندەر، مىنە، بۇگىن وسى زالدا قۇرمەتتى قوناق بولىپ وتىر، سەنبەگەندەر ۇيلەرىندە تەلەديدار كورىپ وتىر"،- دەگەن كومپانيا باسشىسى ۇجىمنىڭ بۇگىندە جۇڭگو نارىعىندا بەلسەندى جۇمىس ىستەپ، ونداعى تۇتىنۋشىلاردىڭ زور سەنىمىنە بولەنگەنىن، الداعى ۋاقىتتا الەمدىك نارىقتىڭ سۇرانىسىن قاناعاتتاندىرۋ باعىتىندا جۇمىستىڭ جالعاساتىنىن جەتكىزدى. ەمدىك-كوسمەتيكا نارىعىندا ءوزىنىڭ ورنىن بيىكتەن بەلگىلەگەن كومپانيا بۇل مەيرامعا ۇلكەن جەتىستىكتەرمەن كەلىپ وتىر. قىزمەتتە وزىق تاجىريبە تانىتىپ، كومپانيانىڭ عانا ەمەس، وزدەرىنىڭ دە تابىسىن ەسەلەي بىلگەن 5 وكىل حيۋنداي اۆتوكولىگىن يەلەنسە، 5 قىزمەتكەر دۋبايعا، 2 قىزمەتكەر پاريجگە ساياحاتتاپ قايتۋعا جولداما الدى. ودان بولەك كومپانيانىڭ 8 وكىلى ميلليونەر اتانىپ وتىر.
كومپانيا ونىمدەرىنىڭ 100% ەكولوگيالىق تازا، ەشقانداي حيميالىق قوسپاسىز، دەنساۋلىق پەن اسەمدىككە پايداسى مول ونىمدەر ەكەنىن اتاپ وتكەن ءجون. وسىنداي ادام اعزاسىنا پايداسى مول ونىمدەردى جۇيەلى جولعا قويىلعان كومپانيا جۇمىسى ناتيجەسىندە مىڭداعان ادامنىڭ دەنساۋلىعىن نىعايتۋعا دا ۇلەس قوسۋدا. ۇجىمنىڭ مەرەكەلىك كەشىندە "ۆيسە-پرەزيدەنت" اتاعىن تابىستاۋ، باسقا دا سىي-سياپاتتار ۇلەستىرۋ شارالارى ءوتتى. كوڭىلدى كەشتىڭ اجارىن قازاقستان مەن الىس-جاقىن شەت ەلدەرگە تانىمال ونەر جۇلدىزدارى جانار دۇعالوۆا، جازيرا مەن جانبولات، سەرىكبول سايلاۋبەك باستاعان ەسترادا انشىلەرى اشا ءتۇستى. كومپانيا باسشىلىعى كومپانيانىڭ ءاربىر وكىلى مەن تۇتىنۋشىسىنا تولايىم تابىستار مەن زور دەنساۋلىق تىلەيدى.
ەرلان تولەۋباي
