قاراعاندىدا 8 پاتەرلى ءۇي ورتەندى. قۇداي ساقتاپ تۇرعىندار تۇگەل باسپانالارىنان شىعىپ ۇلگەرگەن. ءبىراق توزىعى جەتكەن ەسكى عيمارات تۇگى قالماي جانىپ كەتتى. ەندى وسى ءۇيدى پانالاپ كەلگەن، ۇلكەندى-كىشىلى 20-دان استام ادام قىستىڭ كوزى قىراۋدا دالادا قالىپ وتىر.
بۇل تۋرالى كتك ارناسى حابارلايدى.
ءورت تۇنگى ساعات ون بىرلەر شاماسىندا تۇتانعان. قىزىل جالىن العاشىندا عيماراتتىڭ شاتىرىنا شاپشىپ، 300 مەتر اۋماققا تۇگەل تاراپتى. اپات ورنىنا 50 ءورت ءسوندىرۋشى 12 تەحنيكاسىمەن جەتكەنىمە،ن اعاش ءۇي تولىعىمەن جانىپ كەتتى. تۇندەگى جايتتان جۇرەگى شايلىعىپ قالعان ءساليما ورازوۆانىڭ سويلەۋگە شاماسى جوق . تەك كوز جاسىنا بۋلىعىپ پاتەرىنىڭ قازىرگى سيقىن ىمداپ كورسەتكەندەي بولادى.
